ሆሴዔ ማፃኣፖ 14
14
ዒስራዔኤሌ ዴራ ፆኦሲ ባንሢ ማዓንዳጉዲ ሆሴዔ ዖኦጬሢ
1ዒስራዔኤሌ ዴሬዮቴ! ዒንሢኮ ጎማ ዒንሢ ዹቂ ዣኣሊሴያታሢሮ ናንጊና ናንጋ ጎዳ ማዔ ዒንሢኮ ፆኦዛሢ ባንሢ ማዑዋቴ። 2ዒንሢ ቡኡፃንዳ ባኮ ዔሪ ናንጊና ናንጋ ጎዳ ባንሢ ማዑዋቴ፤ ሂዚ ጎዑዋቴ፦ «ኑኡኮ ጎሞ ቢያ ዓቶም ጌዔ፤ ኑና ማኣሪ ዔኬ፤ ኑኡኒያ ኑ ዻንጎና ኮሺ ዓኣፒ ማዔ ጋላታ ኔኤም ሺኢሻንዳኔ። 3ዓሶኦሬ ኑና ዓውሳዓኬ፥ ዖሎ ፓራሢያ ኑኡኒ ጉሙርቁዋሴ፤ ሃይካፓ ሴካ ኑ ኩቻ ኑኡኒ ማዤ ባኮ ‹ፆኦሲ› ጌይ ኑ ዔኤላዓኬ፤ ናንጊና ናንጋ ጎዳሢዮ! ዜኤሮ ናኣቶ ኔኤኒ ሚጪንታያኬ።»
ፆኦሲ ጎሞ ዓቶም ጋዓንዳያ ማዒፆ ኬኤዜሢ
4ናንጊና ናንጋ ጎዳ ሂዚ ጋዓኔ፦
«ታ ዴሮኮ ጉሙርቂንቱዋያ ማዒፆ ታኣኒ ጊኢጊሺ
ታ ባንሢ ዔኪ ማሃንዳኔ።
ዻጋ ታኣኮ ዔያቶ ባንፃፓ ማዔሢሮ
ታኣኒ ታ ሼኔና ጉሪ ዔያቶ ናሽካንዳኔ።
5ዒስራዔኤሌ ዴሮም ታኣኒ ፆፆዻ ዖልኬ ማዓዛ
ዔያታ ቡኒጉዲ ቡናንዳኔ፤
ሊባኖኦሴ ሚፆጉዲ ፃጲ ዔያታ ዳካንዳኔ።
6ዓንታ ዔያቶኮ ዋርቃንዳኔ፤
ዛይቶ ሪሚቶጉዲያኣ ዔያታ ሚዛጲ
ሃሣ ሊባኖኦሴ ዴኤሎጉዲ ኮሺ ሳውሞ ዓኣያ ማዓንዳኔ።
7ጊንሣ ማዒ ታ ሺቦ ዴሞ ዔያታ ጌላንዳኔ፤
ሃጊ ባቃላ ሃኣኮጉዲ ዔያታ ዓኣዒ ሚዛጳንዳኔ፤
ዎይኔጉዲያኣ ዔያታ ቡናንዳኔ፤
ዔያቶኮ ሳውማ ሊባኖኦሴ ዎይኖ ዑዦሲጉዲ ዔርቴያ ማዓንዳኔ።
8ዔፕሬኤሜ!
ሜሌ ፆኦዞና ዎላ ታኣኮ ዓይጎ ካኣሚ ዓኣይ?
ዒንሢኮ ሺኢጲፆ ዋይዛሢንታ ቶኦኮ ዒንሢኮ ዛጋሢ ታናኬ፤
ታኣኒ ቢያ ዎዴ ዋርቄ ጎይሣ ዴዓ ዚቢቂጉዲኬ፤
ዒንሢ ዓኣፒሳሢያኣ ታናኬ።»
ጋፒንሢ ሃይሴ
9ዔራቶ ዓኣ ዓሲ ዬንሢ ባኮ ዒና ዔካንዳኔ፤ ማሊ ጶቂሣ ዓሲያኣ ዔራንዳኔ፤ ናንጊና ናንጋ ጎዳኮ ጎይፃ ፒዜኬ፤ ፂሎ ዓሳ ዒዞና ሃንታኔ፤ ጎሞ ዓሳ ጋዓንቴ ዹቂንቲ ዒኢካ ሎሎኦማኔ።
Attualmente Selezionati:
ሆሴዔ ማፃኣፖ 14: ጌኤ.ማፃ
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Maale Full Bible © 2008 by The Word for the World International and The Bible Society of Ethiopia, 2008.