Henplais 5
5
1Txhua tus povthawj hlob puavleej yog xaiv los ntawm neeg thiab tsa lawv los ua Vajtswv tes haujlwm pab sawvdaws, lawv yog cov muab khoom fij rau Vajtswv thiab muab tsiaj tua theej sawvdaws lub txhoj. 2Vim tus povthawj hlob ntawd txawj qaugzog ib yam li sawvdaws, nws thiaj paub ua siabntev pab cov neeg uas ruam thiab yuamkev ua txhaum. 3Vim nws yeej qaugzog ib yam li sawvdaws, thaum nws muab tsiaj tua theej sawvdaws lub txhoj, nws yuavtsum theej nws lub txhoj thiab. #Levi 9:7 4Tsis muaj leejtwg yuav lam tsa tau nws tuskheej los ua ib tug povthawj hlob uas txaus hwm no, tsuas yog tus uas Vajtswv hu xwb, tus ntawd thiaj tau ua, ib yam li Vajtswv hu Aloos los ua tus povthawj hlob. #Khiav 28:1
5Ib yam li ntawd, Khetos tsis tau tsa Nws tuskheej los ua ib tug povthawj hlob. Tiamsis Vajtswv yog tus uas hais rau Nws hais tias:
“Koj yog Kuv tus Tub;
hnubno Kuv dhau los ua Koj Txiv lawm.” #Nnkauj 2:7
6Vajtswv hais dua ib los hais tias,
“Koj yuav ua ib tug povthawj hlob mus ibtxhis,
ib yam li Mekhixedes.” #Nnkauj 110:4
7Thaum Yexus tseem ua neej nyob hauv ntiajteb no, Nws thov Vajtswv tus uas cawm tau kom Nws dim kev ploj kev tuag, Nws thov los ntawm lub suab quaj uas nrov thiab los kuamuag. Vajtswv mloog Nws tej lus thov, vim Nws txo hwjchim thiab muab Nws txojsia tso plhuav rau Vajtswv kav. #Math 26:36-46; Malak 14:32-42; Lukas 22:39-46 8Txawm yog Yexus yog Vajtswv tus Tub los Nws tseem kawm tau txoj kev mlooglus los ntawm tej kev txomnyem. 9Thaum Vajtswv ua rau Nws mus txog qhov uas tiav lawm, Nws thiaj yog tus uas pub tau txojsia ntev dhawv mus ibtxhis rau txhua tus uas mloog Nws lus. 10Tomqab ntawd Vajtswv tsa Nws ua tus povthawj hlob ib yam li Mekhixedes.
Ceebtoom Kom Tsis Txhob Tso Kev Ntseeg Tseg
11Hais txog qhov no, peb muaj ntau heev uas yuav piav, tiamsis tsis yoojyim piav, rauqhov nej totaub qeeb heev. 12Nimno twb tsimnyog nej ua taus cov uas cobqhia lawm, tiamsis tseem yuavtsum muaj neeg muab Vajtswv zaj lub hauvpaus los qhia nej dua. Twb tsimnyog nej noj taus tej zaub-mov uas tawv lawm, tiamsis nej tseem noj mis xwb! #1Klt 3:2 13Leejtwg uas tseem noj mis tus ntawd yog menyuam yaus, nws yeej tsis paub tej lus qhia uas hais txog kev ncajncees. 14Tiamsis tej zaub-mov tawv tsuas yog cov hlob lawm xwb thiaj noj taus. Lawv twb xyaum los lawm lawv thiaj paub tias yam twg phem thiab yam twg zoo.
Attualmente Selezionati:
Henplais 5: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Henplais 5
5
1Txhua tus povthawj hlob puavleej yog xaiv los ntawm neeg thiab tsa lawv los ua Vajtswv tes haujlwm pab sawvdaws, lawv yog cov muab khoom fij rau Vajtswv thiab muab tsiaj tua theej sawvdaws lub txhoj. 2Vim tus povthawj hlob ntawd txawj qaugzog ib yam li sawvdaws, nws thiaj paub ua siabntev pab cov neeg uas ruam thiab yuamkev ua txhaum. 3Vim nws yeej qaugzog ib yam li sawvdaws, thaum nws muab tsiaj tua theej sawvdaws lub txhoj, nws yuavtsum theej nws lub txhoj thiab. #Levi 9:7 4Tsis muaj leejtwg yuav lam tsa tau nws tuskheej los ua ib tug povthawj hlob uas txaus hwm no, tsuas yog tus uas Vajtswv hu xwb, tus ntawd thiaj tau ua, ib yam li Vajtswv hu Aloos los ua tus povthawj hlob. #Khiav 28:1
5Ib yam li ntawd, Khetos tsis tau tsa Nws tuskheej los ua ib tug povthawj hlob. Tiamsis Vajtswv yog tus uas hais rau Nws hais tias:
“Koj yog Kuv tus Tub;
hnubno Kuv dhau los ua Koj Txiv lawm.” #Nnkauj 2:7
6Vajtswv hais dua ib los hais tias,
“Koj yuav ua ib tug povthawj hlob mus ibtxhis,
ib yam li Mekhixedes.” #Nnkauj 110:4
7Thaum Yexus tseem ua neej nyob hauv ntiajteb no, Nws thov Vajtswv tus uas cawm tau kom Nws dim kev ploj kev tuag, Nws thov los ntawm lub suab quaj uas nrov thiab los kuamuag. Vajtswv mloog Nws tej lus thov, vim Nws txo hwjchim thiab muab Nws txojsia tso plhuav rau Vajtswv kav. #Math 26:36-46; Malak 14:32-42; Lukas 22:39-46 8Txawm yog Yexus yog Vajtswv tus Tub los Nws tseem kawm tau txoj kev mlooglus los ntawm tej kev txomnyem. 9Thaum Vajtswv ua rau Nws mus txog qhov uas tiav lawm, Nws thiaj yog tus uas pub tau txojsia ntev dhawv mus ibtxhis rau txhua tus uas mloog Nws lus. 10Tomqab ntawd Vajtswv tsa Nws ua tus povthawj hlob ib yam li Mekhixedes.
Ceebtoom Kom Tsis Txhob Tso Kev Ntseeg Tseg
11Hais txog qhov no, peb muaj ntau heev uas yuav piav, tiamsis tsis yoojyim piav, rauqhov nej totaub qeeb heev. 12Nimno twb tsimnyog nej ua taus cov uas cobqhia lawm, tiamsis tseem yuavtsum muaj neeg muab Vajtswv zaj lub hauvpaus los qhia nej dua. Twb tsimnyog nej noj taus tej zaub-mov uas tawv lawm, tiamsis nej tseem noj mis xwb! #1Klt 3:2 13Leejtwg uas tseem noj mis tus ntawd yog menyuam yaus, nws yeej tsis paub tej lus qhia uas hais txog kev ncajncees. 14Tiamsis tej zaub-mov tawv tsuas yog cov hlob lawm xwb thiaj noj taus. Lawv twb xyaum los lawm lawv thiaj paub tias yam twg phem thiab yam twg zoo.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.