Henplais 3
3
Yexus Loj Dua Mauxes
1Yogli ntawd, cov kwvtij uas dawbhuv, cov uas Vajtswv tau hu los ua Vajtswv haivneeg lawm; nej yuavtsum xav txog Yexus, tus uas peb lub ncauj tau lees hais tias yog tus timthawj thiab yog tus Tuam Povthawj Hlob. 2Nws ncajncees rau Vajtswv tus uas tau tsa Nws los ua tes haujlwm no, ib yam li Mauxes tau ncajncees rau nws tes haujlwm uas nws ua nyob rau hauv Vajtswv lub tsev. #Teev 12:7
3Tus uas ua tsev yeej raug qhuas tshaj li lub tsev. Ib yam nkaus li ntawd, yeej tsimnyog Yexus tau txais kev qhuas ntau tshaj li Mauxes. 4Txhua lub tsev yeej muaj ib tug ua tus tsim, tiamsis Vajtswv yog tus uas tsim txhua yam. 5Mauxes yog ib tug tubtxib uas ncajncees nyob rau hauv Vajtswv tsev neeg, thiab nws ua timkhawv txog tej uas Vajtswv yuav hais nyob rau yav tomntej. 6Tiamsis Khetos yog Vajtswv tus Tub ncajncees uas saib Vajtswv tsev neeg. Yog peb ua siab tawv qhawv thiab ruajsiab rau tej uas peb ciasiab rau, ces peb yog Vajtswv tsev neeg.
Vajtswv Haivneeg Yuav Tau So
7Yogli ntawd, Vaj Ntsujplig tus Dawbhuv thiaj hais tias,
“Hnubno, yog nej hnov Vajtswv lub suab, #Nnkauj 95:7-11
8tsis txhob tawv ncauj ib yam li thaum ub nej cov yawgkoob tau ntxeevsiab rau Vajtswv,
ib yam li hnub uas lawv sim Vajtswv siab thaum lawv nyob tom tiaj suabpuam.
9Vajtswv hais tias, txawm yog lawv twb pom tej uas Kuv ua los tau plaubcaug xyoo,
los lawv tseem sim Kuv siab thiab.
10Vimli ntawd, Kuv thiaj npautaws rau cov neeg tiam ntawd thiab hais tias,
‘Lawv lub siab yeej ibtxwm tsis ncaj
thiab yeej tsis mloog Kuv tej lus kiag li.’
11Kuv npautaws heev, Kuv thiaj coglus tseg hais tias,
‘Lawv yuav tsis tau los nrog Kuv so ib zaug li!’ ” #Nnkauj 95:7-11 (LXX)
12Cov kwvtij, nej yuavtsum ceevfaj, tsis txhob cia nej ib tug twg muaj lub siabphem thiab tsis ntseeg, es ciali tig tawm ntawm Vajtswv tus uas muaj sia nyob mus. 13Nej tsis txhob ua li ntawd, nej ib leeg yuavtsum niajhnub txhawb ib leeg, thaum peb tseem hu tau hais tias “Hnubno” kom nej thiajli yuav tsis muaj ib tug twg raug kev txhaum dag-ntxias ua rau nej muaj lub siab tawv ncauj. 14Yog peb muab siab npuab tej uas thaum chivthawj peb ciasiab rau mus txog hnub kawg, peb yuav muaj feem koom nrog Khetos.
15Vajtswv Txojlus hais tias:
“Hnubno yog nej hnov Vajtswv lub suab,
tsis txhob tawv ncauj ib yam li thaum ub
nej cov yawgkoob tau ntxeevsiab rau Vajtswv.” #Nnkauj 95:7-8
16Cov neeg twg uas twb hnov Vajtswv lub suab lawm es tseem ntxeevsiab rau Nws? Tsis yog txhua tus uas Mauxes coj tawm hauv tebchaws Iziv los lov? 17Cov neeg twg yog cov uas Vajtswv npautaws rau lawv tau plaubcaug lub xyoo? Tsis yog cov neeg uas tau ua txhaum es tuag pawglug tom tiaj suabpuam lov? 18Thiab cov neeg twg uas Vajtswv tau coglus tseg hais tias, “Lawv yuav tsis tau los nrog Kuv so ib zaug li,” tsis yog cov neeg uas ntxeevsiab ntawd lov? #Teev 14:1-35 19Yogli ntawd, peb pom tias lawv mus tsis tau vim lawv tsis ntseeg.
Attualmente Selezionati:
Henplais 3: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Henplais 3
3
Yexus Loj Dua Mauxes
1Yogli ntawd, cov kwvtij uas dawbhuv, cov uas Vajtswv tau hu los ua Vajtswv haivneeg lawm; nej yuavtsum xav txog Yexus, tus uas peb lub ncauj tau lees hais tias yog tus timthawj thiab yog tus Tuam Povthawj Hlob. 2Nws ncajncees rau Vajtswv tus uas tau tsa Nws los ua tes haujlwm no, ib yam li Mauxes tau ncajncees rau nws tes haujlwm uas nws ua nyob rau hauv Vajtswv lub tsev. #Teev 12:7
3Tus uas ua tsev yeej raug qhuas tshaj li lub tsev. Ib yam nkaus li ntawd, yeej tsimnyog Yexus tau txais kev qhuas ntau tshaj li Mauxes. 4Txhua lub tsev yeej muaj ib tug ua tus tsim, tiamsis Vajtswv yog tus uas tsim txhua yam. 5Mauxes yog ib tug tubtxib uas ncajncees nyob rau hauv Vajtswv tsev neeg, thiab nws ua timkhawv txog tej uas Vajtswv yuav hais nyob rau yav tomntej. 6Tiamsis Khetos yog Vajtswv tus Tub ncajncees uas saib Vajtswv tsev neeg. Yog peb ua siab tawv qhawv thiab ruajsiab rau tej uas peb ciasiab rau, ces peb yog Vajtswv tsev neeg.
Vajtswv Haivneeg Yuav Tau So
7Yogli ntawd, Vaj Ntsujplig tus Dawbhuv thiaj hais tias,
“Hnubno, yog nej hnov Vajtswv lub suab, #Nnkauj 95:7-11
8tsis txhob tawv ncauj ib yam li thaum ub nej cov yawgkoob tau ntxeevsiab rau Vajtswv,
ib yam li hnub uas lawv sim Vajtswv siab thaum lawv nyob tom tiaj suabpuam.
9Vajtswv hais tias, txawm yog lawv twb pom tej uas Kuv ua los tau plaubcaug xyoo,
los lawv tseem sim Kuv siab thiab.
10Vimli ntawd, Kuv thiaj npautaws rau cov neeg tiam ntawd thiab hais tias,
‘Lawv lub siab yeej ibtxwm tsis ncaj
thiab yeej tsis mloog Kuv tej lus kiag li.’
11Kuv npautaws heev, Kuv thiaj coglus tseg hais tias,
‘Lawv yuav tsis tau los nrog Kuv so ib zaug li!’ ” #Nnkauj 95:7-11 (LXX)
12Cov kwvtij, nej yuavtsum ceevfaj, tsis txhob cia nej ib tug twg muaj lub siabphem thiab tsis ntseeg, es ciali tig tawm ntawm Vajtswv tus uas muaj sia nyob mus. 13Nej tsis txhob ua li ntawd, nej ib leeg yuavtsum niajhnub txhawb ib leeg, thaum peb tseem hu tau hais tias “Hnubno” kom nej thiajli yuav tsis muaj ib tug twg raug kev txhaum dag-ntxias ua rau nej muaj lub siab tawv ncauj. 14Yog peb muab siab npuab tej uas thaum chivthawj peb ciasiab rau mus txog hnub kawg, peb yuav muaj feem koom nrog Khetos.
15Vajtswv Txojlus hais tias:
“Hnubno yog nej hnov Vajtswv lub suab,
tsis txhob tawv ncauj ib yam li thaum ub
nej cov yawgkoob tau ntxeevsiab rau Vajtswv.” #Nnkauj 95:7-8
16Cov neeg twg uas twb hnov Vajtswv lub suab lawm es tseem ntxeevsiab rau Nws? Tsis yog txhua tus uas Mauxes coj tawm hauv tebchaws Iziv los lov? 17Cov neeg twg yog cov uas Vajtswv npautaws rau lawv tau plaubcaug lub xyoo? Tsis yog cov neeg uas tau ua txhaum es tuag pawglug tom tiaj suabpuam lov? 18Thiab cov neeg twg uas Vajtswv tau coglus tseg hais tias, “Lawv yuav tsis tau los nrog Kuv so ib zaug li,” tsis yog cov neeg uas ntxeevsiab ntawd lov? #Teev 14:1-35 19Yogli ntawd, peb pom tias lawv mus tsis tau vim lawv tsis ntseeg.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.