1 Thexalaunikes 2
2
Paulus Tes Haujlwm Hauv Thexalaunikes
1Cov kwvtij, nej twb paub lawm hais tias qhov uas peb tuaj saib nej ntawd muajnqis heev. 2Nej twb paub lawm hais tias peb raug tsimtxom thiab raug txobthuam licas nyob rau hauv lub nroog Filipis uantej uas peb tuaj cuag nej hauv Thexalaunikes no. Txawm yog yuav muaj kev tawmtsam ntau npaum licas los xij, peb tus Vajtswv yeej pub peb muaj lub siab tawv qhia Txoj Moo Zoo rau nej. #Teshl 16:19-24; Teshl 17:1-9 3Rauqhov tej uas peb qhia rau nej no tsis yog los ntawm tej lus uas yuamkev lossis ntawm lub siab tsis ncaj lossis yog peb lam xav dag nej xwb.
4Peb yeej qhia li peb yog cov uas Vajtswv tau pomzoo, Nws thiajli muab Txoj Moo Zoo ntawd tso rau peb qhia. Tsis yog peb qhia kom neeg txaussiab rau peb, tiamsis yog qhia kom Vajtswv txaussiab rau peb, rauqhov Vajtswv yog tus uas ntsuas tau peb lub siab. 5Nej yeej paub zoo lawm hais tias peb yeej tsis tau siv tej lus qhuas hais tias nej zoo npaum licas, lossis yuav looj ntsejmuag ntxias nej ib yam dabtsi yuav. Vajtswv yog peb tus timkhawv! 6Peb yeej tsis tau nrhiav kev qhuas los ntawm ib leeg twg, tsis hais los ntawm nej lossis ntawm lwmtus.
7Qhov uas peb yog Khetos cov timthawj, txawm peb yuav yuam nej los yeej tau, tiamsis peb ua lub siabmos siabmuag rau nej, ib yam li leejniam#2:7: peb ua lub siabmos siabmuag rau nej, ib yam li leejniam; tej phau ntawv qub uas xuas tes sau, muaj Thaum peb nrog nej nyob peb zooli tej menyuam yaus; peb zooli ib leejniam. ua siabntev tu nws cov menyuam. 8Peb hlub nej kawg li, peb thiaj txaussiab hlo muab Vajtswv Txoj Moo Zoo tuaj qhia rau nej. Tsis tas li ntawd xwb, peb tseem zoosiab hlo muab peb lub neej pab nej thiab, vim peb hlub nej heev. 9Cov kwvtij, nej yeej nco tau zoo kawg li, hais tias peb ua haujlwm hnyav thiab khwv npaum licas! Peb ua haujlwm tashnub tashmo kom peb thiaj yuav tsis ua rau nej nyuajsiab rau peb thaum lub sijhawm uas peb tuaj qhia Vajtswv Txoj Moo Zoo rau nej ntawd.
10Nej thiab Vajtswv yog peb cov timkhawv uas qhia tau hais tias thaum peb tseem nrog nej cov ntseeg nyob, peb ua peb lub neej dawbhuv, peb coj ncaj, thiab peb tsis tau ua ib qho txhaum li. 11Nej yeej paub tias peb hlub nej txhua tus ib yam li leejtxiv hlub nws cov menyuam. 12Peb txhawb nej lub zog, peb nplig nej lub siab, thiab peb niajhnub nquahu kom nej ua nej lub neej haum Vajtswv siab. Vajtswv yog tus uas hu nej los nyob rau hauv nws lub tebchaws thiab nws tus tshwjchim.
13Tsis tas li ntawd xwb, tseem muaj ib qho uas peb niajhnub ua Vajtswv tsaug. Qhov ntawd yog qhov uas thaum peb coj Vajtswv Txojlus tuaj rau nej, nej mloog thiab nej txais yuav txojlus ntawd; nej tsis yog txais txojlus ntawd li uas yog neeg txoj, tiamsis nej txais yuav li yog Vajtswv txoj. Txojlus uas nej ciasiab rau ntawd yeej yog Vajtswv txoj tiag, rauqhov Vajtswv niajhnub ua haujlwm hauv nej cov uas ntseeg lawm lub siab.
14Cov kwvtij, nej raug tsimtxom tibyam li Vajtswv cov pawg ntseeg uas nyob rau hauv lub xeev Yudas raug, vim lawv ntseeg Yexus Khetos. Nej raug nej haivneeg tsimtxom ib yam li lawv raug lawv cov neeg Yudais tsimtxom lawv thiab. #Teshl 17:5 15Cov Yudais yog cov uas tau muab tus Tswv Yexus thiab cov xibhwb cev Vajtswv lus tua povtseg, thiab yog cov uas tau muab peb ntiab tawm. Lawv ua rau Vajtswv tsis txaussiab thiab lawv tawmtsam txhua leej txhua tus! #Teshl 9:23, 29; 13:45, 50; 14:2, 5, 19; 17:5, 13; 18:12 16Lawv tseem txwv tsis pub peb qhia Txoj Moo Zoo rau Lwm Haivneeg kom lawv dim lawv lub txim thiab. Lawv ua li ntawd yog lawv tsub tej kev txhaum ntxiv rau tej uas lawv tau ua los lawm xwb. Tiamsis nimno Vajtswv txoj kev npautaws twb los txog lawv lawm!
Paulus Xav Rov Mus Saib Lawv Ntxiv Thiab
17Cov kwvtij 'e, thaum peb ncaim nej mus tau ib nyuag ntu, tsuas yog ncaim ntawm sab nqaijtawv xwb, peb lub siab yeej tsis ncaim nej li, peb nco nej heev thiab yeej yuav ua kom tau rov tuaj pom nej xwb! 18Peb xav rovqab tuaj cuag nej. Kuv, uas yog Paulus, yeej npajsiab rov tuaj ntau zaug, tiamsis Xatas tsis pub peb tuaj. 19Peb txoj kev ciasiab, kev zoosiab, thiab khav tau txog lub mom kub ntawm peb txoj kev muajyeej thaum peb tus Tswv Yexus rovqab los, twb yog nej ntag! 20Tseeb tiag, nej yog cov uas ua rau peb tau ntsejmuag thiab ua rau peb zoosiab.
Attualmente Selezionati:
1 Thexalaunikes 2: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Thexalaunikes 2
2
Paulus Tes Haujlwm Hauv Thexalaunikes
1Cov kwvtij, nej twb paub lawm hais tias qhov uas peb tuaj saib nej ntawd muajnqis heev. 2Nej twb paub lawm hais tias peb raug tsimtxom thiab raug txobthuam licas nyob rau hauv lub nroog Filipis uantej uas peb tuaj cuag nej hauv Thexalaunikes no. Txawm yog yuav muaj kev tawmtsam ntau npaum licas los xij, peb tus Vajtswv yeej pub peb muaj lub siab tawv qhia Txoj Moo Zoo rau nej. #Teshl 16:19-24; Teshl 17:1-9 3Rauqhov tej uas peb qhia rau nej no tsis yog los ntawm tej lus uas yuamkev lossis ntawm lub siab tsis ncaj lossis yog peb lam xav dag nej xwb.
4Peb yeej qhia li peb yog cov uas Vajtswv tau pomzoo, Nws thiajli muab Txoj Moo Zoo ntawd tso rau peb qhia. Tsis yog peb qhia kom neeg txaussiab rau peb, tiamsis yog qhia kom Vajtswv txaussiab rau peb, rauqhov Vajtswv yog tus uas ntsuas tau peb lub siab. 5Nej yeej paub zoo lawm hais tias peb yeej tsis tau siv tej lus qhuas hais tias nej zoo npaum licas, lossis yuav looj ntsejmuag ntxias nej ib yam dabtsi yuav. Vajtswv yog peb tus timkhawv! 6Peb yeej tsis tau nrhiav kev qhuas los ntawm ib leeg twg, tsis hais los ntawm nej lossis ntawm lwmtus.
7Qhov uas peb yog Khetos cov timthawj, txawm peb yuav yuam nej los yeej tau, tiamsis peb ua lub siabmos siabmuag rau nej, ib yam li leejniam#2:7: peb ua lub siabmos siabmuag rau nej, ib yam li leejniam; tej phau ntawv qub uas xuas tes sau, muaj Thaum peb nrog nej nyob peb zooli tej menyuam yaus; peb zooli ib leejniam. ua siabntev tu nws cov menyuam. 8Peb hlub nej kawg li, peb thiaj txaussiab hlo muab Vajtswv Txoj Moo Zoo tuaj qhia rau nej. Tsis tas li ntawd xwb, peb tseem zoosiab hlo muab peb lub neej pab nej thiab, vim peb hlub nej heev. 9Cov kwvtij, nej yeej nco tau zoo kawg li, hais tias peb ua haujlwm hnyav thiab khwv npaum licas! Peb ua haujlwm tashnub tashmo kom peb thiaj yuav tsis ua rau nej nyuajsiab rau peb thaum lub sijhawm uas peb tuaj qhia Vajtswv Txoj Moo Zoo rau nej ntawd.
10Nej thiab Vajtswv yog peb cov timkhawv uas qhia tau hais tias thaum peb tseem nrog nej cov ntseeg nyob, peb ua peb lub neej dawbhuv, peb coj ncaj, thiab peb tsis tau ua ib qho txhaum li. 11Nej yeej paub tias peb hlub nej txhua tus ib yam li leejtxiv hlub nws cov menyuam. 12Peb txhawb nej lub zog, peb nplig nej lub siab, thiab peb niajhnub nquahu kom nej ua nej lub neej haum Vajtswv siab. Vajtswv yog tus uas hu nej los nyob rau hauv nws lub tebchaws thiab nws tus tshwjchim.
13Tsis tas li ntawd xwb, tseem muaj ib qho uas peb niajhnub ua Vajtswv tsaug. Qhov ntawd yog qhov uas thaum peb coj Vajtswv Txojlus tuaj rau nej, nej mloog thiab nej txais yuav txojlus ntawd; nej tsis yog txais txojlus ntawd li uas yog neeg txoj, tiamsis nej txais yuav li yog Vajtswv txoj. Txojlus uas nej ciasiab rau ntawd yeej yog Vajtswv txoj tiag, rauqhov Vajtswv niajhnub ua haujlwm hauv nej cov uas ntseeg lawm lub siab.
14Cov kwvtij, nej raug tsimtxom tibyam li Vajtswv cov pawg ntseeg uas nyob rau hauv lub xeev Yudas raug, vim lawv ntseeg Yexus Khetos. Nej raug nej haivneeg tsimtxom ib yam li lawv raug lawv cov neeg Yudais tsimtxom lawv thiab. #Teshl 17:5 15Cov Yudais yog cov uas tau muab tus Tswv Yexus thiab cov xibhwb cev Vajtswv lus tua povtseg, thiab yog cov uas tau muab peb ntiab tawm. Lawv ua rau Vajtswv tsis txaussiab thiab lawv tawmtsam txhua leej txhua tus! #Teshl 9:23, 29; 13:45, 50; 14:2, 5, 19; 17:5, 13; 18:12 16Lawv tseem txwv tsis pub peb qhia Txoj Moo Zoo rau Lwm Haivneeg kom lawv dim lawv lub txim thiab. Lawv ua li ntawd yog lawv tsub tej kev txhaum ntxiv rau tej uas lawv tau ua los lawm xwb. Tiamsis nimno Vajtswv txoj kev npautaws twb los txog lawv lawm!
Paulus Xav Rov Mus Saib Lawv Ntxiv Thiab
17Cov kwvtij 'e, thaum peb ncaim nej mus tau ib nyuag ntu, tsuas yog ncaim ntawm sab nqaijtawv xwb, peb lub siab yeej tsis ncaim nej li, peb nco nej heev thiab yeej yuav ua kom tau rov tuaj pom nej xwb! 18Peb xav rovqab tuaj cuag nej. Kuv, uas yog Paulus, yeej npajsiab rov tuaj ntau zaug, tiamsis Xatas tsis pub peb tuaj. 19Peb txoj kev ciasiab, kev zoosiab, thiab khav tau txog lub mom kub ntawm peb txoj kev muajyeej thaum peb tus Tswv Yexus rovqab los, twb yog nej ntag! 20Tseeb tiag, nej yog cov uas ua rau peb tau ntsejmuag thiab ua rau peb zoosiab.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.