1 Petus 4
4
Lub Neej Uas Hloov Dua Tshiab Lawm
1Vim Khetos twb raug kev tsimtxom ntawm sab nqaijtawv lawm, yogli ntawd nej yuavtsum npaj nej tuskheej kom muaj txoj kev xav ib yam li Nws, rauqhov tus uas raug kev tsimtxom ntawm sab nqaijtawv, tus ntawd tsis ua kev txhaum ntxiv lawm. 2Yogli ntawd, txij no mus nej yuavtsum ua nej lub neej hauv ntiajteb no rawsli Vajtswv lub siab nyiam, tsis yog ua rawsli neeg lub siab nyiam. 3Yav tas los nej twb siv sijhawm txaus nkaus los ua tej uas cov tsis ntseeg Vajtswv nyiam ua, xwsli: ua phem ua qias, ntshaw luag tug, qaugcawv, qw ua nqaj ua nqug, noj tsau haus qaug, thiab pe tej mlom uas ntxim ntxub.
4Nimno cov uas tsis ntseeg Vajtswv lawv xav tsis thoob hais tias xyov ua licas nej tsis nrog lawv mus ua phem ua qias, yogli ntawd lawv thiaj txobthuam nej. 5Tiamsis lawv cov ntawd nyias yuavtsum qhia nyias lub neej rau Vajtswv tus uas twb npaj txhij yuav txiavtxim rau cov neeg ciaj thiab cov neeg tuag lawm. 6Twb yog vimli ntawd Txoj Moo Zoo thiajli raug muab qhuabqhia rau cov neeg uas tuag lawm, uas yog cov uas thaum tseem ciaj twb raug txiavtxim ntawm sab nqaijtawv li lwmtus lawm, Txoj Moo Zoo tau raug muab qhuabqhia rau lawv kom hauv sab ntsujplig lawv ua tau lub neej li Vajtswv ua.
Siv Vajtswv Tej Khoomplig Kom Muajnqis
7Lub sijhawm kawg ntawm txhua yam twb los yuav txog. Yogli ntawd, nej yuavtsum tswj nej tuskheej thiab nej tej kev xav, kom nej thiaj yuav muaj cuabkav thov Vajtswv. 8Qhov uas tseemceeb tshajplaws huv tibsi, nej ib leeg yuavtsum hlub ib leeg tiag-tiag, rauqhov txoj kev hlub zamtxim tau rau ntau yam kev txhaum. #Paj 10:12 9Nej ib leeg yuavtsum zoosiab hlo qhib nej lub tsev rau ib leeg, tsis txhob yws li. 10Nej txhua tus puavleej tau txais ib yam khoomplig los ntawm Vajtswv, yogli ntawd, nej yuavtsum siv tej khoomplig ntawd mus pab lwmtus kom muajnqis. 11Tus uas qhuabqhia, nws yuavtsum qhuabqhia Vajtswv tej lus; tus uas pab ua haujlwm, nws yuavtsum siv nws lub dag lub zog uas Vajtswv pub rau nws, kom txhua yam uas nej ua, Vajtswv thiaj yuav tau ntsejmuag los ntawm Yexus Khetos. Thov kom Vajtswv lub koobmeej thiab lub hwjchim muaj nyob mus ibtxhis li. Amees.
Raug Tsimtxom Zooli Ib Tug Ntseeg
12Cov kwvtij uas kuv hlub, nej tsis txhob poobsiab txog tej kev tsimtxom uas los sim nej hnyav heev ntawd, hais tias uacas lam muaj tej yam txawv-txawv li ntawd los raug rau nej. 13Tiamsis nej ciali zoosiab hais tias nej tau koom nrog Yexus Khetos tej kev tsimtxom, kom nej thiaj yuav puvnpo txoj kev zoosiab thaum sawvdaws pom Nws tus tshwjchim uas ci ntsa-iab. 14Yog leejtwg txobthuam nej vim nej yog cov uas ntseeg Yexus Khetos, nej ciali zoosiab; rauqhov Vajtswv tus Ntsujplig uas yog tus ci ntsa-iab twb nyob rau hauv nej lawm. 15Yog nej raug kev txomnyem, thov kom tsis txhob yog vim nej tua neeg, lossis ua tubsab, lossis txhaum plaub, lossis pheej mus nki txog lwmtus li haujlwm. 16Tiamsis yog nej raug kev tsimtxom vim nej yog tus ntseeg Yexus Khetos, nej tsis txhob txajmuag, tiamsis ciali ua Vajtswv tsaug rau qhov uas nej ris Khetos lub npe.
17Nimno twb txog lub sijhawm uas Vajtswv pib txiavtxim lawm, Vajtswv yuav xub pib ntawm Vajtswv tsev neeg uantej. Yog Vajtswv xub pib ntawm peb, thaum mus xaus rau ntawm cov uas tsis ntseeg Txoj Moo Zoo, lawv yuav zoo licas? 18Rawsli Vajtswv Txojlus hais tias,
“Yog tias cov neeg ncajncees twb dim txim nyuaj,
cov neeg txhaum uas tsis muaj Vajtswv, lawv yuav ua licas dim tau?” #Paj 11:31
19Yogli ntawd, cov uas Vajtswv pomzoo cia raug kev txomnyem, lawv yuavtsum kubsiab lug ua tej haujlwm zoo, thiab tsosiab plhuav rau tus uas Tsim lawv, rauqhov Nws yeej ibtxwm ua rawsli Nws tau coglus tseg lawm.
Attualmente Selezionati:
1 Petus 4: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Petus 4
4
Lub Neej Uas Hloov Dua Tshiab Lawm
1Vim Khetos twb raug kev tsimtxom ntawm sab nqaijtawv lawm, yogli ntawd nej yuavtsum npaj nej tuskheej kom muaj txoj kev xav ib yam li Nws, rauqhov tus uas raug kev tsimtxom ntawm sab nqaijtawv, tus ntawd tsis ua kev txhaum ntxiv lawm. 2Yogli ntawd, txij no mus nej yuavtsum ua nej lub neej hauv ntiajteb no rawsli Vajtswv lub siab nyiam, tsis yog ua rawsli neeg lub siab nyiam. 3Yav tas los nej twb siv sijhawm txaus nkaus los ua tej uas cov tsis ntseeg Vajtswv nyiam ua, xwsli: ua phem ua qias, ntshaw luag tug, qaugcawv, qw ua nqaj ua nqug, noj tsau haus qaug, thiab pe tej mlom uas ntxim ntxub.
4Nimno cov uas tsis ntseeg Vajtswv lawv xav tsis thoob hais tias xyov ua licas nej tsis nrog lawv mus ua phem ua qias, yogli ntawd lawv thiaj txobthuam nej. 5Tiamsis lawv cov ntawd nyias yuavtsum qhia nyias lub neej rau Vajtswv tus uas twb npaj txhij yuav txiavtxim rau cov neeg ciaj thiab cov neeg tuag lawm. 6Twb yog vimli ntawd Txoj Moo Zoo thiajli raug muab qhuabqhia rau cov neeg uas tuag lawm, uas yog cov uas thaum tseem ciaj twb raug txiavtxim ntawm sab nqaijtawv li lwmtus lawm, Txoj Moo Zoo tau raug muab qhuabqhia rau lawv kom hauv sab ntsujplig lawv ua tau lub neej li Vajtswv ua.
Siv Vajtswv Tej Khoomplig Kom Muajnqis
7Lub sijhawm kawg ntawm txhua yam twb los yuav txog. Yogli ntawd, nej yuavtsum tswj nej tuskheej thiab nej tej kev xav, kom nej thiaj yuav muaj cuabkav thov Vajtswv. 8Qhov uas tseemceeb tshajplaws huv tibsi, nej ib leeg yuavtsum hlub ib leeg tiag-tiag, rauqhov txoj kev hlub zamtxim tau rau ntau yam kev txhaum. #Paj 10:12 9Nej ib leeg yuavtsum zoosiab hlo qhib nej lub tsev rau ib leeg, tsis txhob yws li. 10Nej txhua tus puavleej tau txais ib yam khoomplig los ntawm Vajtswv, yogli ntawd, nej yuavtsum siv tej khoomplig ntawd mus pab lwmtus kom muajnqis. 11Tus uas qhuabqhia, nws yuavtsum qhuabqhia Vajtswv tej lus; tus uas pab ua haujlwm, nws yuavtsum siv nws lub dag lub zog uas Vajtswv pub rau nws, kom txhua yam uas nej ua, Vajtswv thiaj yuav tau ntsejmuag los ntawm Yexus Khetos. Thov kom Vajtswv lub koobmeej thiab lub hwjchim muaj nyob mus ibtxhis li. Amees.
Raug Tsimtxom Zooli Ib Tug Ntseeg
12Cov kwvtij uas kuv hlub, nej tsis txhob poobsiab txog tej kev tsimtxom uas los sim nej hnyav heev ntawd, hais tias uacas lam muaj tej yam txawv-txawv li ntawd los raug rau nej. 13Tiamsis nej ciali zoosiab hais tias nej tau koom nrog Yexus Khetos tej kev tsimtxom, kom nej thiaj yuav puvnpo txoj kev zoosiab thaum sawvdaws pom Nws tus tshwjchim uas ci ntsa-iab. 14Yog leejtwg txobthuam nej vim nej yog cov uas ntseeg Yexus Khetos, nej ciali zoosiab; rauqhov Vajtswv tus Ntsujplig uas yog tus ci ntsa-iab twb nyob rau hauv nej lawm. 15Yog nej raug kev txomnyem, thov kom tsis txhob yog vim nej tua neeg, lossis ua tubsab, lossis txhaum plaub, lossis pheej mus nki txog lwmtus li haujlwm. 16Tiamsis yog nej raug kev tsimtxom vim nej yog tus ntseeg Yexus Khetos, nej tsis txhob txajmuag, tiamsis ciali ua Vajtswv tsaug rau qhov uas nej ris Khetos lub npe.
17Nimno twb txog lub sijhawm uas Vajtswv pib txiavtxim lawm, Vajtswv yuav xub pib ntawm Vajtswv tsev neeg uantej. Yog Vajtswv xub pib ntawm peb, thaum mus xaus rau ntawm cov uas tsis ntseeg Txoj Moo Zoo, lawv yuav zoo licas? 18Rawsli Vajtswv Txojlus hais tias,
“Yog tias cov neeg ncajncees twb dim txim nyuaj,
cov neeg txhaum uas tsis muaj Vajtswv, lawv yuav ua licas dim tau?” #Paj 11:31
19Yogli ntawd, cov uas Vajtswv pomzoo cia raug kev txomnyem, lawv yuavtsum kubsiab lug ua tej haujlwm zoo, thiab tsosiab plhuav rau tus uas Tsim lawv, rauqhov Nws yeej ibtxwm ua rawsli Nws tau coglus tseg lawm.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.