Tsiqeeq 98
98
Tsiq eeq 98
Miltsaq bhai uv thaiq nail Heeqphaq Miqyail
1Heeqphaq Miqyail bhai
daoqsel aqsivq gul bhiq yaoq.
Khul khi mail dai ngal-aq, aivq neq
noeq-u maq dov nail phaq nl nail ngaol.
Aivq nail lavqmal lavq nail bhaqaoq nee maqkhaiq
meeq nail haol nail aqlavq nee maqkhaiq
gaq lai-a nail ngaol.
2Heeqphaq Miqyail neq
aivq-i mail hevq kovq nail phaq bhai
bhi heeq nia khi
aivq nail tsaq nail daol nail phaq bhai iqsanl
jeq-e jaq-a juq nail sivtavq bhai
phao daiq bhiq-a nail ngaol.
3Aivq neq, Ilsaqleiqlav nail jeq-e jaq-a bhai
gaoq haq goil gaiq-a nail phaq khi mail
saljial ivq nail phaq maq nioil peivq-ail.
Yaoq dao yaoq-ao nee jaol nail
tsaol-aq juq iqsanl mail
ngadao nail Miqyail-i mail
hevq kovq lavq nail phaq bhai
ya moel-a nail ngaol.
4Miltsaq yaq juq iqsanl mail
Heeqphaq Miqyail bhai lavqkhiq teevq tsail gul yaoq.
Daoqsel juq gul khi
lavqkhiq tsail nail lavqkhoel nee
aivq bhai tsiq eeq yaoq.
5Dil-nvq deeq khi Heeqphaq Miqyail bhai
tsiq eeq nail daoqsel gul yaoq.
Dil-nvq nail aqthel bhi dov lal yaoq.
6Nqbho khi mail tsil lil jiiv khi tsiq eeq yaoq.
Heeqphaq Miqyail nail sivtavq bhai
lavqkhiq teevq tsail gul yaoq.
7Iqyaq iqma khi mail
al nail lavqkhoel bhai
khal jaol nail phaq iqsanl mail
aqthel aqkav kav dai gul dei-eiq.
Miltsaq khi mail
miltsaq bhai khal doevq nail phaq
iqsanl mail gul dei-eiq.
8Ulcuvq laoljaol juq lavq pav teiv khi
gaoqjaoq juq iqsanl mail
lavqkhiq tsail dei-eiq.
9Heeqphaq Miqyail nail sivtavq bhai al hai nl dei-eiq.
Khul khi mail dai ngal-aq, aivq neq
miltsaq yaq juq bhai yalkhaq dal nail dai khi
yavq kha lee-a nail ngaol.
Miltsaq yaq juq bhai
tsaq nail daol nail phaq-i mail yalkhaq dal khi
jeq-e jaq-a juq bhai iqsanl
aq see aqdaol daol dai, yalkhaq dal nail ngaol.
Attualmente Selezionati:
Tsiqeeq 98: aeu
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.