Tsiqeeq 89
89
Tsiq eeq 89
Milkhaoq haq nail aoq nail phaq thaoq phuq-u phao, gul nail daoqsel
Eil saq laq nail jeq-e pevq nail Eil thaq nail daoqsel
1Heeqphaq Miqyail-ol, ngal neq
naoq-i mail gaoq haq goil gaiq-a nail ganl bhai
maq ceiv lai dai, daoqsel gul nail ngaol.
Khaq mao iqsanl, naol saljial ivq nail phaq
aqjievq lilheel juq iqsanl bhai
ge gaiq bhiq nail ngaol.
2Naoq-i mail
gaoq haq goil gaiq-a nail phaq neq
nqmaq maqluv halyeel ivq khi
saljial ivq nail phaq iqsanl
nqtavq khe-ai, ivq nail ganl bhai
ngal ge gaiq bhiq nail ngaol.
3Heeqphaq Miqyail niail hai ge-ai thaq nail ngaol:
''Ngaq-i mail tsel dov-ai thaq nail
ngaq nail yaqkav pevq nail Daqbhil nee
ngal saljial niail hai jaq-a nail ngaol:
4'Naoq nail aqjievq liqdee juq neq
heeqphaq jiovq nail al yanq
nqmaq maqluv halyeel ya khi
maq ceiv lai dai, joiq jaq doiqbev bev ma bhai
ya jaol deel nail ngaol'" dai
ge-ai thaq nail ngaol.
5Heeqphaq Miqyail-ol, nqtavq neq
naoq-i mail nl-a nail
noeq-u maq dov nail ganl juq bhai tsiq eeq khi
meeq nail haol nail juq iqsanl lal khi
naol saljial ivq nail ganl bhai tsiq eeq nail ngaol.
6Khul khi mail dai ngal-aq
nqtavq bha Heeqphaq Miqyail nee
khaq sil gaq tsiq ceiv kivq nail-aiq.
Nqtavq gaqkhoel khul gaq
aivq khe-ai, dul nail-aiq.
7Meeq nail haol nail juq jil lai khi
maoq bhaoq nl-u phao
Miqyail bhai gee sil khi ev nail ngaol.
Aivq neq, aivq nail teevq jaoq
jaol nail juq nee maq tsil
ev heeq phaq-ail tsaq nail gaq ngaol.
8Nqtavq kovtavq khe
genl dev nail munl munl ma nail kovtavq bhai
bhaqaoq eeq nail Heeqphaq Miqyail-ol
naoq-ai khe-ai bhaqaoq eeq nail gaq maq jaol-ail.
Heeqphaq Miqyail-ol, naol neq
yaoq phaq yaoq-ao nee nail lavqkhoel
saljial ivq nail ngaol.
9Naol neq, eel jeq jeq dee dee nail
iqyaq iqma bhai uv thaiq khi
kav dee dee nail eel khaol bhai iqsanl
bhi tsil lai nia nail ngaol.
10Naol neq
iqyaq iqma daoqthaoq bhai jaol nail
Laq khal dai khul nail baiv yaoq maol ma bhai
deeq peiv dee leiv gil bhiq khi
naoq nail aqlavq-i mail
neejiav jiav nail juq bhai
the pav the sav gil bhiq nail ngaol.
11Nqtavq khi miltsaq neq
naoq nail pevq nail ngaol.
Miltsaq khi mail al nail lavqkhoel bhai
khal jiav nail yaoq phaq yaoq-ao nee
naoq-i mail teivq-a nail ngaol.
12Naol neq, miltsaq pul nvq phao
khi mail pultavq phao bhao dai
teivq-ai thaq nail ngaol.
Thaqbhoq gaoqjaoq khi mail
Heiqlaqmonq gaoqjaoq neq
naoq nail aqmil bhai
lavqkhiq teevq tsail tsiq eeq nail ngaol.
13Naol neq, bhaqaoq eeq nail ngaol.
Naoq nail aqlavq gaq teevq bhee aol khi
naoq nail lavqmal lavq daqmoe bha jiav nail ngaol.
14Naoq uv thaiq joiq jaq doiqbev bev ma neq
tsaq nail daol nail phaq khi mail
daol coev dai yalkhaq dal nail phaq nee mail
daoqthaoq thaoq-ai thaq nail ngaol.
Naoq nail sivtavq bhai
gaoq haq goil gaiq-a nail phaq khi mail
saljial ivq nail phaq jiav nail ngaol.
15Heeqphaq Miqyail-ol
"Uqhuq thaoq lal yaoq" dai
khul nail aqthel bhai ya gaiq-a nail juq neq
geeqlaoq eeq nail juq ngaol.
Aqyu juq naoq nail aqbhaq bhai ya tsao-a nail ngaol.
16Aqyu juq neq
naoq nail aqmil bhai teevq n n lao
lavqkhiq tsail khi
naoq nail tsaq nail daol nail
lavqkhoel bhai tsiq eeq nail ngaol.
17Naol neq, aqyu juq nail haqbhoil
seiqleiq khaoqsail khi bhaqaoq pevq nail ngaol.
Naol neema tsaq nail khe-ai
nv juq bhai gaq bhi kav lal lavq-a nail ngaol.
18Heeqphaq Miqyail neq
ngadao juq nail doeq daq duq pevq nail ngaol.
Ilsaqleiqlav nail tsaol-aq nail
meeq nail haol nail Miqyail neq
ngadao nail heeqphaq pevq nail ngaol.
19-20Aq-u phao, naoq bhai saljial ivq nail juq bhai
naol niail hai phao daiq bhiq-a nail ngaol:
"Ngaq nail yaqkav Daq bhil bhai moel khi
meeq nail haol nail aqtseel hoel dav-a nail ngaol.
Al ovqtavq, aqmil dov nail genl dev yaq teevq gaq
bhi pevq lal-a nail ngaol.
Aivq bhai tsaol-aq yaq nail lavqkhoel nee
tsel dov khi heeqphaq bhi jiovq-a nail ngaol.
21Ngaq nail aqlavq khaq mao iqsanl
aivq jaol nail bhai jiav khi
gaq bhiq kav lal nail ngaol.
22Aivq bhai neejiav jiav nail juq teevq thal-iq
aivq bhai maq gaq lal nia-ail.
Haq eiv nail tsaol-aq juq iqsanl
aivq bhai teevq thal-iq maq naoq thaiq nia-ail.
23Ngal neq, aivq bhai neejiav jiav nail juq bhai
aivq nail sivtavq-ai
naoq peiv gil nail ngaol.
Aivq bhai bhe nail juq bhai deeq ha gil nail ngaol.
24Ngal aivq bhai khaq mao iqsanl
gaoq haq goil gaiq-a khi
saljial ivq nail ngaol.
Aivq ngaq nail aqmil bhai juq khi
gaq kav lal nail ngaol.
25Ngal aivq nail milkhaoq bhai
iqyaq iqma nee mail laoljaol juq bha kev dai
bhi eeq bhi heel ail nail ngaol.
26Aivq neq, ngaq bhai
'Naol neq, ngaq nail aqbhu
ngaq nail Miqyail
ngaq bhai hevq kovq lavq-a nail
lovphail pevq nail ngaol' dai, gul nail ngaol.
27Ngal aivq bhai
ngaq nail uqbhao aqivq gaq
bhi pevq lal khi
bhaqaoq khal eeq nail heeqphaq iqsanl
bhi pevq lal nail ngaol.
28Ngal aivq bhai khaq mao iqsanl
gaoq haq goil gaiq-a khi
ngal aivq nee mail jaq-ai thaq nail daoqma saljial
teevq thal-iq maq peivq ail nia-ail.
29Aivq nee mail yavq kha lee thaq nail yaq juq neq
khaq mao iqsanl uv thaiq khi
aivq nail joiq jaq doiqbev bev ma iqsanl
nqtavq khe-ai, ivq nail ngaol.
30Thail hai ngaol-aoq
aivq nail aqjievq liqdee juq neq
ngaq nail aolthaq kovqthaq bhai khaonq ha khi
ngaq-i mail saol bhiq-a nail phaq bhai
maq nal daiq nail nee ovqtavq
31ngaq nail ya tsao the nail ganl juq bhai
maq tsao the dai
ngaq-i mail bivq-ai thaq nail
aoldaoq kovqdaoq bhai iqsanl
maq hel daiq phail haq neq
32ngal aqyu juq-i mail nl-a nail
oeqbal nail haqbhoil
dail tseel-i mail gaoq nl kovq bhiq khi
aqyu juq-i mail laiq ail-a nail phaq bhai
gaoq deeq bhiq nail ngaol.
33Thail hai ngaol-aoq
ngal Daq bhil bhai
gaoq haq goil gaiq-a nail phaq maq ceiv lai-ail.
Aivq bhai saljial ivq nail phaq iqsanl
maq phal lal-ail.
34Ngal neq
aivq nee mail jaq-ai thaq nail saljial bhai
maq lav luq maq lav seil-ail.
Ngaq-i mail ge dov-a nail daoq bhai iqsanl
maq oil kovq-ail.
35Ngal meeq nail haol nail ngel-i mail
Daq bhil bhai saljial jaq-u phao
goiqbhaoq maq bhaoq al.
36Aivq nail jeq-e jaq-a
khaq mao iqsanl uv thaiq khi
nlma aqbhaq khal bhaq-u kev dai
ngaq nail sivtavq bhai
aivq nail joiq jaq doiqbev bev ma
bhi ivq nail ngaol.
37Aivq nail doiqbev bev ma al neq
nqtavq bha ivq nail salkhil pevq nail bhala khe-ai
khaq mao iqsanl ivq nail ngaol" dai
phao daiq bhiq-a nail ngaol.
38Thail hai ngaol-aoq, Heeqphaq Miqyail-ol
naoq-i mail aqtseel hoel dav khi
heeqphaq bhi jiovq-a nail gaq bhai
neema phail lal-a nail ngaol.
Naol aivq bhai khaonq ha khi the ha nail ngaol.
39Naol naoq nail yaqkav nee mail
jaq-ai thaq nail daoqma saljial bhai khaonq ha khi
aivq nail heel uq tsaoq
miltsaq-ai tsiq kha bhiq-a nail ngaol.
40Aivq nail meenq khe khainl juq bhai
deeq peiv khi aivq nail ivq nail tavq juq bhai
lav luq lav seil bhiq-a nail ngaol.
41Aivq nail aqjail bhai
ail ceiv lal ceiv nail juq iqsanl mail
aivq nail phul heel
ildaoq maoqgaiq juq bhai khoiq khi
ilkhaiq tavq nail juq meel naq meel naq ail
hel sil nail ngaol.
42Naol neq
aivq bhai neejiav jiav nail juq bhai bhi gaq lai dai
nl bhiq khi aqyu juq iqsanl bhai
lavqkhiq bhi tsail lal-a nail ngaol.
43Naoq neq
aivq nail genl dev nail khenkha-ao juq bhai
ganl maq tsoiq dai, bhi pevq-ail khi
aivq genl dev nail bhai maq tsao jao-ai lee-al.
44Naol neq
aivq nail seiqleiq khaoqsail bhai oil ha bhiq khi
aivq nail doiqbev bev ma
miltsaq bhai ngaoq tsuq bhiq-a nail ngaol.
45Naol neq, aivq bhai
aqyanq maq maoq lal mail
joiqmaoq bhi maoq ail khi
haq sil haq sil ail bhi doevq-a nail ngaol.
46Heeqphaq Miqyail-ol
naoq nail maivphaoq khaq mao kev dai
tsiq uvq khi jaol nail-aiq.
Naoq nail neema phail nail phaq khaq mao kev dai
miqjaq khe-ai bhaol khi jaol nail-aiq.
47Ngaq nail doevqyeel kha dai nil nail-aiq dai
noeq moel lavq yaoq.
Naol neq, sil nia nail jeq-e pevq nail nv juq bhai
teivq lavq-a nail bhai, noeq moel lavq yaoq.
48Khaq sil gaq neq
maq sil mail khaq mao kev dai
aqdoevq doevq nia heeq.
Tsaol-aq yaq neq, yovqgavq bhai yovqgavq
luqdaol bhai maq ya-ail dai
khaq sil gaq lav tsoiq nia heeq.
49Heeqphaq Miqyail-ol, saljial ivq khi
naoq-i mail Daq bhil bhai bivq naol dai
ge-ai thaq nail gaoq haq goil gaiq-a nail saljial al
khaq bha ail aoq nail-aiq.
50Heeqphaq Miqyail-ol
naoq nail yaqkav juq bhai
khal ge movq ail
khal hai bhi ge-a nail bhai maqkhaiq
yu nail jeq-e jaq-a juq-i mail
ivqkhail bhi yavq-a nail bhai
ngal khal hai ya daq-a nail bhai maqkhaiq
thaq nioil peivq lavq.
51Heeqphaq Miqyail-ol
naoq-i mail aqtseel hoel dav khi
tsel dov-a nail heeqphaq bhai
naoq bhai neejiav jiav nail juq
khal ge movq ail ge nail ngaol.
Aqyu juq neq
aivq khal ail nail yaoq dao yaoq-ao nee bhai
khal ge movq ail ge nail ngaol.
52Heeqphaq Miqyail bhai
nqmaq maqluv halyeel geeqlaoq bivq bhel.
Aq miq. Aq miq.
Attualmente Selezionati:
Tsiqeeq 89: aeu
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.
Tsiqeeq 89
89
Tsiq eeq 89
Milkhaoq haq nail aoq nail phaq thaoq phuq-u phao, gul nail daoqsel
Eil saq laq nail jeq-e pevq nail Eil thaq nail daoqsel
1Heeqphaq Miqyail-ol, ngal neq
naoq-i mail gaoq haq goil gaiq-a nail ganl bhai
maq ceiv lai dai, daoqsel gul nail ngaol.
Khaq mao iqsanl, naol saljial ivq nail phaq
aqjievq lilheel juq iqsanl bhai
ge gaiq bhiq nail ngaol.
2Naoq-i mail
gaoq haq goil gaiq-a nail phaq neq
nqmaq maqluv halyeel ivq khi
saljial ivq nail phaq iqsanl
nqtavq khe-ai, ivq nail ganl bhai
ngal ge gaiq bhiq nail ngaol.
3Heeqphaq Miqyail niail hai ge-ai thaq nail ngaol:
''Ngaq-i mail tsel dov-ai thaq nail
ngaq nail yaqkav pevq nail Daqbhil nee
ngal saljial niail hai jaq-a nail ngaol:
4'Naoq nail aqjievq liqdee juq neq
heeqphaq jiovq nail al yanq
nqmaq maqluv halyeel ya khi
maq ceiv lai dai, joiq jaq doiqbev bev ma bhai
ya jaol deel nail ngaol'" dai
ge-ai thaq nail ngaol.
5Heeqphaq Miqyail-ol, nqtavq neq
naoq-i mail nl-a nail
noeq-u maq dov nail ganl juq bhai tsiq eeq khi
meeq nail haol nail juq iqsanl lal khi
naol saljial ivq nail ganl bhai tsiq eeq nail ngaol.
6Khul khi mail dai ngal-aq
nqtavq bha Heeqphaq Miqyail nee
khaq sil gaq tsiq ceiv kivq nail-aiq.
Nqtavq gaqkhoel khul gaq
aivq khe-ai, dul nail-aiq.
7Meeq nail haol nail juq jil lai khi
maoq bhaoq nl-u phao
Miqyail bhai gee sil khi ev nail ngaol.
Aivq neq, aivq nail teevq jaoq
jaol nail juq nee maq tsil
ev heeq phaq-ail tsaq nail gaq ngaol.
8Nqtavq kovtavq khe
genl dev nail munl munl ma nail kovtavq bhai
bhaqaoq eeq nail Heeqphaq Miqyail-ol
naoq-ai khe-ai bhaqaoq eeq nail gaq maq jaol-ail.
Heeqphaq Miqyail-ol, naol neq
yaoq phaq yaoq-ao nee nail lavqkhoel
saljial ivq nail ngaol.
9Naol neq, eel jeq jeq dee dee nail
iqyaq iqma bhai uv thaiq khi
kav dee dee nail eel khaol bhai iqsanl
bhi tsil lai nia nail ngaol.
10Naol neq
iqyaq iqma daoqthaoq bhai jaol nail
Laq khal dai khul nail baiv yaoq maol ma bhai
deeq peiv dee leiv gil bhiq khi
naoq nail aqlavq-i mail
neejiav jiav nail juq bhai
the pav the sav gil bhiq nail ngaol.
11Nqtavq khi miltsaq neq
naoq nail pevq nail ngaol.
Miltsaq khi mail al nail lavqkhoel bhai
khal jiav nail yaoq phaq yaoq-ao nee
naoq-i mail teivq-a nail ngaol.
12Naol neq, miltsaq pul nvq phao
khi mail pultavq phao bhao dai
teivq-ai thaq nail ngaol.
Thaqbhoq gaoqjaoq khi mail
Heiqlaqmonq gaoqjaoq neq
naoq nail aqmil bhai
lavqkhiq teevq tsail tsiq eeq nail ngaol.
13Naol neq, bhaqaoq eeq nail ngaol.
Naoq nail aqlavq gaq teevq bhee aol khi
naoq nail lavqmal lavq daqmoe bha jiav nail ngaol.
14Naoq uv thaiq joiq jaq doiqbev bev ma neq
tsaq nail daol nail phaq khi mail
daol coev dai yalkhaq dal nail phaq nee mail
daoqthaoq thaoq-ai thaq nail ngaol.
Naoq nail sivtavq bhai
gaoq haq goil gaiq-a nail phaq khi mail
saljial ivq nail phaq jiav nail ngaol.
15Heeqphaq Miqyail-ol
"Uqhuq thaoq lal yaoq" dai
khul nail aqthel bhai ya gaiq-a nail juq neq
geeqlaoq eeq nail juq ngaol.
Aqyu juq naoq nail aqbhaq bhai ya tsao-a nail ngaol.
16Aqyu juq neq
naoq nail aqmil bhai teevq n n lao
lavqkhiq tsail khi
naoq nail tsaq nail daol nail
lavqkhoel bhai tsiq eeq nail ngaol.
17Naol neq, aqyu juq nail haqbhoil
seiqleiq khaoqsail khi bhaqaoq pevq nail ngaol.
Naol neema tsaq nail khe-ai
nv juq bhai gaq bhi kav lal lavq-a nail ngaol.
18Heeqphaq Miqyail neq
ngadao juq nail doeq daq duq pevq nail ngaol.
Ilsaqleiqlav nail tsaol-aq nail
meeq nail haol nail Miqyail neq
ngadao nail heeqphaq pevq nail ngaol.
19-20Aq-u phao, naoq bhai saljial ivq nail juq bhai
naol niail hai phao daiq bhiq-a nail ngaol:
"Ngaq nail yaqkav Daq bhil bhai moel khi
meeq nail haol nail aqtseel hoel dav-a nail ngaol.
Al ovqtavq, aqmil dov nail genl dev yaq teevq gaq
bhi pevq lal-a nail ngaol.
Aivq bhai tsaol-aq yaq nail lavqkhoel nee
tsel dov khi heeqphaq bhi jiovq-a nail ngaol.
21Ngaq nail aqlavq khaq mao iqsanl
aivq jaol nail bhai jiav khi
gaq bhiq kav lal nail ngaol.
22Aivq bhai neejiav jiav nail juq teevq thal-iq
aivq bhai maq gaq lal nia-ail.
Haq eiv nail tsaol-aq juq iqsanl
aivq bhai teevq thal-iq maq naoq thaiq nia-ail.
23Ngal neq, aivq bhai neejiav jiav nail juq bhai
aivq nail sivtavq-ai
naoq peiv gil nail ngaol.
Aivq bhai bhe nail juq bhai deeq ha gil nail ngaol.
24Ngal aivq bhai khaq mao iqsanl
gaoq haq goil gaiq-a khi
saljial ivq nail ngaol.
Aivq ngaq nail aqmil bhai juq khi
gaq kav lal nail ngaol.
25Ngal aivq nail milkhaoq bhai
iqyaq iqma nee mail laoljaol juq bha kev dai
bhi eeq bhi heel ail nail ngaol.
26Aivq neq, ngaq bhai
'Naol neq, ngaq nail aqbhu
ngaq nail Miqyail
ngaq bhai hevq kovq lavq-a nail
lovphail pevq nail ngaol' dai, gul nail ngaol.
27Ngal aivq bhai
ngaq nail uqbhao aqivq gaq
bhi pevq lal khi
bhaqaoq khal eeq nail heeqphaq iqsanl
bhi pevq lal nail ngaol.
28Ngal aivq bhai khaq mao iqsanl
gaoq haq goil gaiq-a khi
ngal aivq nee mail jaq-ai thaq nail daoqma saljial
teevq thal-iq maq peivq ail nia-ail.
29Aivq nee mail yavq kha lee thaq nail yaq juq neq
khaq mao iqsanl uv thaiq khi
aivq nail joiq jaq doiqbev bev ma iqsanl
nqtavq khe-ai, ivq nail ngaol.
30Thail hai ngaol-aoq
aivq nail aqjievq liqdee juq neq
ngaq nail aolthaq kovqthaq bhai khaonq ha khi
ngaq-i mail saol bhiq-a nail phaq bhai
maq nal daiq nail nee ovqtavq
31ngaq nail ya tsao the nail ganl juq bhai
maq tsao the dai
ngaq-i mail bivq-ai thaq nail
aoldaoq kovqdaoq bhai iqsanl
maq hel daiq phail haq neq
32ngal aqyu juq-i mail nl-a nail
oeqbal nail haqbhoil
dail tseel-i mail gaoq nl kovq bhiq khi
aqyu juq-i mail laiq ail-a nail phaq bhai
gaoq deeq bhiq nail ngaol.
33Thail hai ngaol-aoq
ngal Daq bhil bhai
gaoq haq goil gaiq-a nail phaq maq ceiv lai-ail.
Aivq bhai saljial ivq nail phaq iqsanl
maq phal lal-ail.
34Ngal neq
aivq nee mail jaq-ai thaq nail saljial bhai
maq lav luq maq lav seil-ail.
Ngaq-i mail ge dov-a nail daoq bhai iqsanl
maq oil kovq-ail.
35Ngal meeq nail haol nail ngel-i mail
Daq bhil bhai saljial jaq-u phao
goiqbhaoq maq bhaoq al.
36Aivq nail jeq-e jaq-a
khaq mao iqsanl uv thaiq khi
nlma aqbhaq khal bhaq-u kev dai
ngaq nail sivtavq bhai
aivq nail joiq jaq doiqbev bev ma
bhi ivq nail ngaol.
37Aivq nail doiqbev bev ma al neq
nqtavq bha ivq nail salkhil pevq nail bhala khe-ai
khaq mao iqsanl ivq nail ngaol" dai
phao daiq bhiq-a nail ngaol.
38Thail hai ngaol-aoq, Heeqphaq Miqyail-ol
naoq-i mail aqtseel hoel dav khi
heeqphaq bhi jiovq-a nail gaq bhai
neema phail lal-a nail ngaol.
Naol aivq bhai khaonq ha khi the ha nail ngaol.
39Naol naoq nail yaqkav nee mail
jaq-ai thaq nail daoqma saljial bhai khaonq ha khi
aivq nail heel uq tsaoq
miltsaq-ai tsiq kha bhiq-a nail ngaol.
40Aivq nail meenq khe khainl juq bhai
deeq peiv khi aivq nail ivq nail tavq juq bhai
lav luq lav seil bhiq-a nail ngaol.
41Aivq nail aqjail bhai
ail ceiv lal ceiv nail juq iqsanl mail
aivq nail phul heel
ildaoq maoqgaiq juq bhai khoiq khi
ilkhaiq tavq nail juq meel naq meel naq ail
hel sil nail ngaol.
42Naol neq
aivq bhai neejiav jiav nail juq bhai bhi gaq lai dai
nl bhiq khi aqyu juq iqsanl bhai
lavqkhiq bhi tsail lal-a nail ngaol.
43Naoq neq
aivq nail genl dev nail khenkha-ao juq bhai
ganl maq tsoiq dai, bhi pevq-ail khi
aivq genl dev nail bhai maq tsao jao-ai lee-al.
44Naol neq
aivq nail seiqleiq khaoqsail bhai oil ha bhiq khi
aivq nail doiqbev bev ma
miltsaq bhai ngaoq tsuq bhiq-a nail ngaol.
45Naol neq, aivq bhai
aqyanq maq maoq lal mail
joiqmaoq bhi maoq ail khi
haq sil haq sil ail bhi doevq-a nail ngaol.
46Heeqphaq Miqyail-ol
naoq nail maivphaoq khaq mao kev dai
tsiq uvq khi jaol nail-aiq.
Naoq nail neema phail nail phaq khaq mao kev dai
miqjaq khe-ai bhaol khi jaol nail-aiq.
47Ngaq nail doevqyeel kha dai nil nail-aiq dai
noeq moel lavq yaoq.
Naol neq, sil nia nail jeq-e pevq nail nv juq bhai
teivq lavq-a nail bhai, noeq moel lavq yaoq.
48Khaq sil gaq neq
maq sil mail khaq mao kev dai
aqdoevq doevq nia heeq.
Tsaol-aq yaq neq, yovqgavq bhai yovqgavq
luqdaol bhai maq ya-ail dai
khaq sil gaq lav tsoiq nia heeq.
49Heeqphaq Miqyail-ol, saljial ivq khi
naoq-i mail Daq bhil bhai bivq naol dai
ge-ai thaq nail gaoq haq goil gaiq-a nail saljial al
khaq bha ail aoq nail-aiq.
50Heeqphaq Miqyail-ol
naoq nail yaqkav juq bhai
khal ge movq ail
khal hai bhi ge-a nail bhai maqkhaiq
yu nail jeq-e jaq-a juq-i mail
ivqkhail bhi yavq-a nail bhai
ngal khal hai ya daq-a nail bhai maqkhaiq
thaq nioil peivq lavq.
51Heeqphaq Miqyail-ol
naoq-i mail aqtseel hoel dav khi
tsel dov-a nail heeqphaq bhai
naoq bhai neejiav jiav nail juq
khal ge movq ail ge nail ngaol.
Aqyu juq neq
aivq khal ail nail yaoq dao yaoq-ao nee bhai
khal ge movq ail ge nail ngaol.
52Heeqphaq Miqyail bhai
nqmaq maqluv halyeel geeqlaoq bivq bhel.
Aq miq. Aq miq.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.