Tsiqeeq 23
23
Tsiq eeq 23
Heeqphaq Miqyail neq, yaol bhai lovq nail gaq ngaol
Daq bhil nail daoqsel
1Heeqphaq Miqyail neq
yaol bhai lovq nail gaq khe-ai
ngaq bhai lovq nail ngaol.
Ngal khul teevq phaq iqsanl
loq nail maq jiav.
2Moeq gaq doevq nail
aqniul niul deel gav jaq duq bhai
aivq ngaq bhai gaq naq bhi naq lavq khi
nee sal ya nail laoljaol daolbhaq bhai
aivq ngaq-ai hel-aivq lavq-a nail ngaol.
3Ngaq bhai gaq aqsivq bivq lavq khi
aivq nail aqmil bhai juq khi
tsaq nail daol nail gailkhaol teevq loi
aivq ngaq bhai hevq daiq lavq-a nail ngaol.
4Gaoqjaoq nvq jaoq nail gaiq laq
aqnavq navq dee dee nail gaq laovq bhai
ngal ya-ail khi ngaol-aoq
haqeiv nail phaq bhai maq gee sil.
Khul khi mail dai ngal-aq neq
naol ngaq-ai nee mail jaol nail lavqkhoel
naoq nail dailtseel khi mail joiqniaoq
ngaq bhai nee sal bhi ya lavq nail ngaol.
5Ngaq bhai neejiav jiav nail
juq nail sivtavq bhai ngaq nail haqbhoil
naol kovqkhail deiv khaoq lavq-a nail ngaol.
Uqhuq bhai aqtseel hoel dav lavq khi
ngaq nail khaoqanq
bhee khal ail thail thaiq nail ngaol.
6Naoq nail meeq dee dee nail phaq khi
gaoq haq goil gaiq-a nail phaq
maq sil teevq yeel
ngaq nail haoqnao maq ceiv lai dai
tsao thel leevq nail ngaol.
Heeqphaq Miqyail nail ilkhaol lavqkhoel bhai
nqmaq maqluv halyeel jaol naol.
Attualmente Selezionati:
Tsiqeeq 23: aeu
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.