Tsiqeeq 104
104
Tsiq eeq 104
Teivq-a nail gaq bhai tsiq eeq nail daoqsel
1Ngaq nail nee ma-ol
Heeqphaq Miqyail bhai geeqlaoq bivq yaoq.
Ngaq nail Heeqphaq Miqyail-ol
naol neq, eeq dee heel dee dee khi
bhaqaoq khi mail seiqleiq khaoqsail
aqgaq aqdoi doi nail khe-ai
doi-nq thaq nail ngaol.
2Naol neq, aqbhaq bhai
phailkhaoq heelma doi nail khe-ai
doi-nq thaq khi
nqtavq bhai saiqgov khe-ai
he thao-ai thaq nail ngaol.
3Nqtavq bha jiav nail ulcuvq kovtavq bhai
naoq nail ilkhaol cov dav-ai thaq nail ngaol.
Nqdil bhai naoq nail moeqphaq lavlaoq dan khi
lilmoel bhai jeeq nail ngaol.
4Naol neq, lilmoel juq bhai
daoq cavq gaiq nail juq khe-ai maqkhaiq
nqmeivq juq bhai yaqkav khe-ai maqkhaiq
yuq nail ngaol.
5Naol neq, miltsaq niil heeq bhai
teevq thal-iq maq bhi dao lal dai
aivq nail daoqthaoq
aqmeeq-ai lav ivq-ai thaq nail ngaol.
6A bhai nee ngal-aq
miltsaq bhai iqyaq iqma-i mail
aqgaq aqdoi doi nail khe-ai
bhi doi-a nail ngaol.
Ulcuvq iqsanl, gaoqjaoq juq bhai
he pheeq-a nail ngaol.
7Naol daoq bivq-u phao
ulcuvq juq tsaoq peivq gil-a nail ngaol.
Ulcuvq juq neq
naoq nail nqjaiq aqthel bhai
ya gaiq-u phao
lavqtsail mail, il khal-aivq-a nail ngaol.
8Ulcuvq juq gaoqjaoq nee mail
gavqlaovq bha il khal leevq khi
naoq-i mail aqyu juq nail haqbhoil
lainq-ai thaq nail jaol duq bhai
il bhoel-aivq-a nail ngaol.
9Miltsaq niil heeq bhai
yaqhao teevq pov ulcuvq maq ya deq pheeq dai
naol neq, ulcuvq maq deq dav lal nia nail
milkhaiq lav sav-ai thaq nail ngaol.
10Naol neq, gavqlaovq bhai
ulcuvq eel bev bhi dov lal khi
gaoqjaoq juq nail gaiqlaq bhai
laoljaol khe-ai bhi il lee-a nail ngaol.
11Ulcuvq al juq neq
haqtsoiq jaiqyaq juq nail haqbhoil
daol nail ulcuvq pevq nail ngaol.
Haqtsoiq khe moeqphaq laljieiv juq iqsanl
ulcuvq moevq khi maq ya haq-ail.
12Aq jail khe jiav nail
aqbhaol nail lavqmeiv kovtavq bhai
keivq-avq juq aq kheel kheel khi gul nail ngaol.
13Naol neq, nqtavq nee mail gaoqjaoq juq bhai
maoq-aol bhi aol lee nail khe-ai
miltsaq neq, naoq nail geeqlaoq juq bhai
teevq bhee teevq lovq ya nail ngaol.
14Naol neq
tsu nail jaiqyaq jaq nail haqbhoil
moeqgaq juq bhai maqkhaiq
tsaol-aq yaq jaq nail haqbhoil
heeqlaoq gaoqjal juq bhai maqkhaiq
bhi doevq lal-a nail ngaol.
Al heel ngel-i mail
tsaol-aq yaq juq neq
heeqlaoq gaoqjal juq ya kha jaq khi
15yovqgavq nail neema lavqkhiq tsail lal dai
aqheeq tsilju nail ullul bhai maqkhaiq
maivphaoq aq nuq bhi nuq lal nail haqbhoil
saqloq aqtseel bhai maqkhaiq
gaq bhi aol nail haqbhoil
khaqmul juq bhai maqkhaiq
naol bhi ya lee-a nail ngaol.
16Heeqphaq Miqyail-i mail
kha-ai thaq nail aqbhaol juq pevq nail
Leiq bhaq noq gaoqjaoq bhai doevq nail
miqhuq aqbhaol juq
maoq-aol teevq bhee teevq lovq ya nail ngaol.
17Aq bhaol al juq bhai
keivq-avq juq neq, aq kheel kheel khi
eel yav aqphul juq iqsanl
miqhuq aqbhaol bhai aq kheel kheel nail ngaol.
18Haqtsoiq khe civqmeiv juq
gaoqjaoq kovtavq bha jaol khi
lovphail ov cavq juq iqsanl
lovmav khaoq bhaoq bhai
tsaoq uvq-ai thaq nail ngaol.
19Miqyail-ol, naol neq
aqyanq bhai lav bhao nail dai khi
bhala bhai teivq-a nail ngaol.
Nl ma neq, aivq ya ga bhoel ail nail
aqyanq bhai heeq nia nail ngaol.
20Naol neq, nqkiv phao teivq khi
nqkiv nail aqyanq bhai neq
haqtsoiq jaiqyaq juq dov lal nail ngaol.
21Aqkovq maq jiav lal-a nail al laq jaq sil juq neq
aqjal hal pov jaq-u phao, geeq nail ngaol.
Aqyu juq neq
naoq-i mail bivq-a nail aqjal bhai hal pov jaq khi
22nlma dov lal-u phao
yovqgavq nail jaol duq bhai kovq-ail khi
gaoq iq thaiq-ail nail ngaol.
23Aq-u phao, tsaol-aq yaq juq neq
yovqgavq nail ganl nl nail dai khi dov lal khi
kivqhail hail lee-u kev dai, nl nail ngaol.
24Heeqphaq Miqyail-ol
naoq-i mail teivq-a nail juq neq
mao dee dee nail ngaol.
Nee noeq nee kha aol dee dee khi
al juq iqsanl bhai teivq-a nail ngaol.
Miltsaq neq
naoq-i mail teivq-a nail phaq nee bhee nail ngaol.
25Maq ge gil tsaol nail
ulcuvq khe jaiqyaq
maol ma maol yaq jaol nail haqbhoil
eeq dee dee nail iqyaq iqma jiav nail ngaol.
26Iqyaq iqma bhai
laovq laovq ma juq tsao nail ngaol.
Naoq-i mail teivq-a nail
ulcuvq lavqkhoel bhai jaol nail
Leiq bhel daq baiv yaoq al maol iqsanl
ulcuvq daoqthaoq bhai
aol tavq tavq nail ngaol.
27Jaiqyaq al juq iqsanl mail
aqyanq kev lal haq neq
aqjal ya jaq nail haqbhoil
naoq bhai ya juq nail ngaol.
28Naol aqyu juq bhai bhi jaq-u phao
aqyu juq ya jaq khi
naoq nail aqlavq aqjal bivq-u phao
aqyu juq neekhaol sil nail ngaol.
29Thail hai ngaol-aoq
naol aqyu juq nee mail
maivphaoq tsiq phaol-u phao
aqyu juq gee sil lal bhiq khi
aqdoevq doevq nail phaq oil kovq bhiq-u phao
aqyu juq sil khi khaqlail
gaoq pevq kovq-ail nail ngaol.
30Naol aqdoevq doevq nail phaq
jiiv bhoel bhiq-u phao
iqsanl mail doevq lal-a nail ngaol.
Naol miltsaq kovtavq khe
khal jaol khal doevq nail iqsanl bhai
aqsivq sivq dai
teevq pov gaoq lav phal-a nail ngaol.
31Heeqphaq Miqyail nail
seiqleiq khaoqsail neq
nqmaq maqluv halyeel
bhaq nail ngaol dei-eiq.
Heeqphaq Miqyail neq
aivq-i mail teivq-ai thaq nail
yaoq phaq yaoq-ao nee bhai
lavqkhiq tsail dei-eiq.
32Aivq miltsaq bhai hel daiq-u phao
dao lal nail ngaol.
Gaoqjaoq juq bhai lav tuv-u phao
miq khoiq dov lal nail ngaol.
33Ngal neq, teevq yeel gil dai
Heeqphaq Miqyail bhai daoqsel gul khi
aqdoevq khal doevq-u kev dai
ngaq nail Miqyail bhai tsiq eeq nail ngaol.
34Ngal Heeqphaq Miqyail nail lavqkhoel bhai
lavqkhiq tsail-u phao
ngaq-i mail daoqsel oil dov nail bhai
aivq neekhaol bhi sil movq ail nial.
35Oeqbal yaq juq neq
miltsaq nee oil ha nail bhai ya daq dei-eiq.
Haq eiv nail tsaol-aq juq iqsanl
peivq ail boev ail gil dei-eiq.
Ngaq nail nee ma-ol
Heeqphaq Miqyail bhai geeqlaoq bivq yaoq.
Haq leiq lul yaq.
Attualmente Selezionati:
Tsiqeeq 104: aeu
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.