DLAŊ LEVIRA 22
22
Tlesuu ɓivun suu doo ki kasi ana tasiɗina
1Yawe di Moiz ana, 2«Di Aaron u goryomu, asi ti tlesuu teteɗ suu may suu suu Israelna mbaaransina ay a li ɓivunnanaɗi, ka asi mbuɗun sen ma teteɗna ki njenjeɗi. Ni an Yawe. 3Dasi ki ana suu hu njafaŋŋa halaŋ gegelay ma ɦuɗ tam ay eg ɓivun ma teteɗna ma suu Israelna mbaaranna ayna, tam ka ki jiviɗina hin cam ki fokonu. Ni an Yawe.
4«Gegelay ma hu njaf Aaron ma busuna cuk ki egemma, ɗowba elewna lamma, ka ti ɓivun ma teteɗnaɗi, ta ta hu li ma nam garaɗ kina tuwa. Sa ma tin kom ay eg sa ma njenjena ɗowba eg va ma miɗina lini na lay. 5Sa ma tin kom ay eg va ma njenjena, ɗowba ŋgen kom ay eg sa ma ki njenjena nam ki ni mbuɗi njenje gaw may. 6Mul ma ɓivun ma ŋgen kom ay eg va ma njenjena ki ni njenje ta ta fiɗigiya. Nam ka ti ɓivun ma teteɗna oloɗi, ta ta nam mbus tam ki tuwa. 7Hu li ma faɗta kal gana ni nam ki ni mbuɗi teteɗ, ni nam ndak a ti tlesuu teteɗ suu li ɓivunna, kay ana ni tiim ma nam tamma. 8Nam ka kom yoo ma miɗ miɗi ɗowba vabakŋa vammaɗi, ni tlesuu mbuɗum ki njenjena. Ni an Yawe.
9«Muli suu li ɓivunna hum u gaɗ manda, asi mbuɗ tasi co u ti ma asi tammaɗi, lini asi li wa na ni asi hin miɗa. Kay mbuɗusi ki teteɗ ni an Yawe.
10«Suu ka muli suu li ɓivunnaɗina ka ti tlesuu teteɗnaɗi, lini koyna ɗowba sa ma li sunda fok mul ma li ɓivunna, ka ti tlesuu teteɗnaɗi. 11Na may lini sa ma mul ma li ɓivunna gusum ay ki gusina ni sa namma ndak tiya. Suu sunda suu vuɗ vo varamma lay tiya, kay asi ndak a ti tiim ma nam tamma. 12Goŋ mul ma li ɓivunna ta ɗum sa ma ɦawana kira ka ti tlesuu teteɗ suu yowosi ay hu givin ma togollaɗi. 13Na may lini goŋ mul ma li ɓivunnara njufuɗ miɗ ki ɗowba ndaɗ jok ay kiyo, lini ndaɗ vuɗ goo ha kaɗi, hoŋ ay ki vo vi buɗ wa ko ndaɗ li ha vo go tamara jewra na, ni ndaɗ ndak ti tlesuu teteɗ suu buɗ tasina, ni tlesuu sa ma ɦawa ka ndak a tasiɗina. 14Lini sa ma ka hu njaf ma vi mul ma li ɓivunnanaɗi, tlesuu teteɗ asina paɗ funum wa ni nam warak mul ma li ɓivunna hoŋom tlesuu nam tasina kiyo, hin cukum keŋ ma vadlna ha kayam hu olo.
15«Ka a muli suu li ɓivunna mbuɗ tlesuu teteɗ suu may suu Israelna ɦasi ay maŋ Yawena ki njenjeɗi. 16Lini suu ka ndaki a ti tlesuu teteɗ asinaɗina tasi wa ni asi mbaa cora ni kay suu Israelna, ni asi ndak a li ɓivun ma min duk ɦoŋga, kay an Yawe, mbuɗ muli suu li ɓivunna ki teteɗ ni anu, a asi lan sun manda.»
Gaɗta kay tlesuu manasi a li ɓivunnana
17Yawe di Moiz ana, 18«Di Aaron, di goryomu, di suu Israelna halaŋ ana, lini sana ni sa ma Israelna ɗowba ni ŋgay ma ki cuki zina dukugina min a li ɓivun ma ŋgalam ki ŋgalina, ko ndal ɓivun ma asi mbaaram maŋ Yawe, hu li ma sana yi va kamma na, ɗowba mbaa ɓivunna ay u min mamba ɦawa na ni, 19Lini agi min a ɓivunna li jiviya ni mbaa ay ni va ma njufna ma bay ŋgulla egemma, duk yoori magisina mbutl ɗowba timii ɗowba ɦu ɗowba. 20Mbaaragi yoo ma ki daki ay a li ɓivunnaɗi, ni ɓivun magi namma ka viɗi.#Gaɗ. 17.1
21«Lini sana min a li ɓivunna kay dlara nam yi va kam yii ɗowba ɓivun ma u min mamba a hal heɓpa maŋ Yawe ni, nam hin li ɓivun ma heɓpa. Nam vi ay ni yoo ma ŋgol ɗowba ma gooro, ni nam ɦal ni ma bay ŋgulla egemma, ni ma huɗuk ka egembina. 22Vi ma irim dugiɗi, ma daliɗi, ma torsosonaɗi, ma cukka egemmaɗi lay. Mbaa yoo ma ko ndaɗta na fok Yaweɗi, ŋgal va ma na kay givin ma togolla maŋ Yaweɗi. 23Lini mbutlna ɗowba timiina, sem ma dewna fiyek ɗowba ki geɗeŋe ni aŋ ndak a li ɓivun ma minda u namu. Ka li ɓivun ma sana yi va kam yii kala suu tam kala u nambi kama. 24Agi ka li ɓivun maŋ Yawe u yoo ma ɦuɗum kaɗi, ɗowba ma huɗum ki tooynaɗi, lagi ɓivun u yoo ma ko namma na hu mbas magiraɗi. 25Ko koyogi suu cuki dukugina lay ni vagi yoo ma ko namma na kosi a li ɓivun maŋ Looginaɗi, kay yoo ma ki paɗi nana mbuɗ ki ni va ma ŋgulla egemma, namma ka jivi kagi oloɗi.»
26Yawe hin di Moiz ana, 27«Hu li ma mbutl kala, timii kala, ɦu kala, vuɗ wa ni goona li buuna kiɗisiya u sumu, buu ma kalavandina ni nam ki ni jiviya, lini sana vam a li ɓivun ma ŋgalam kina maŋ Yawe lay ni jiviya. 28Na may ŋgaɗ goo mbutlna, ɗowba goo timiina, goo ɦuna hu buu ma dewna u sum jakgi.
29«Lini agi min a li ɓivun ma gi deɓpa maŋ Yawe ni lagi ni ko gaɗta dira na, ni ɓivun namma hin li kagi jivi may. 30Kom tliw namma ki ni hu buu namma halaŋ ka buu maa koloɗi. Ni an Yawe.
31«Agi golongi gaɗ manda jiviya, li uɗ may. Ni an Bu Suuna. 32Agi ka mbuɗun sen ma teteɗna ki njenjeɗi, kay a an li ki ni teteɗ duk suu Israelna. Ni an Yawe, ma mbuɗugi ki teteɗna. 33Ni sa ma cukugi ay ki hu mbassa Egiptera kay ana nam a li ni Loogina. Ni an Yawe.»
Attualmente Selezionati:
DLAŊ LEVIRA 22: BMS
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Bible Moussey © Bible Society of Chad, 2002.
DLAŊ LEVIRA 22
22
Tlesuu ɓivun suu doo ki kasi ana tasiɗina
1Yawe di Moiz ana, 2«Di Aaron u goryomu, asi ti tlesuu teteɗ suu may suu suu Israelna mbaaransina ay a li ɓivunnanaɗi, ka asi mbuɗun sen ma teteɗna ki njenjeɗi. Ni an Yawe. 3Dasi ki ana suu hu njafaŋŋa halaŋ gegelay ma ɦuɗ tam ay eg ɓivun ma teteɗna ma suu Israelna mbaaranna ayna, tam ka ki jiviɗina hin cam ki fokonu. Ni an Yawe.
4«Gegelay ma hu njaf Aaron ma busuna cuk ki egemma, ɗowba elewna lamma, ka ti ɓivun ma teteɗnaɗi, ta ta hu li ma nam garaɗ kina tuwa. Sa ma tin kom ay eg sa ma njenjena ɗowba eg va ma miɗina lini na lay. 5Sa ma tin kom ay eg va ma njenjena, ɗowba ŋgen kom ay eg sa ma ki njenjena nam ki ni mbuɗi njenje gaw may. 6Mul ma ɓivun ma ŋgen kom ay eg va ma njenjena ki ni njenje ta ta fiɗigiya. Nam ka ti ɓivun ma teteɗna oloɗi, ta ta nam mbus tam ki tuwa. 7Hu li ma faɗta kal gana ni nam ki ni mbuɗi teteɗ, ni nam ndak a ti tlesuu teteɗ suu li ɓivunna, kay ana ni tiim ma nam tamma. 8Nam ka kom yoo ma miɗ miɗi ɗowba vabakŋa vammaɗi, ni tlesuu mbuɗum ki njenjena. Ni an Yawe.
9«Muli suu li ɓivunna hum u gaɗ manda, asi mbuɗ tasi co u ti ma asi tammaɗi, lini asi li wa na ni asi hin miɗa. Kay mbuɗusi ki teteɗ ni an Yawe.
10«Suu ka muli suu li ɓivunnaɗina ka ti tlesuu teteɗnaɗi, lini koyna ɗowba sa ma li sunda fok mul ma li ɓivunna, ka ti tlesuu teteɗnaɗi. 11Na may lini sa ma mul ma li ɓivunna gusum ay ki gusina ni sa namma ndak tiya. Suu sunda suu vuɗ vo varamma lay tiya, kay asi ndak a ti tiim ma nam tamma. 12Goŋ mul ma li ɓivunna ta ɗum sa ma ɦawana kira ka ti tlesuu teteɗ suu yowosi ay hu givin ma togollaɗi. 13Na may lini goŋ mul ma li ɓivunnara njufuɗ miɗ ki ɗowba ndaɗ jok ay kiyo, lini ndaɗ vuɗ goo ha kaɗi, hoŋ ay ki vo vi buɗ wa ko ndaɗ li ha vo go tamara jewra na, ni ndaɗ ndak ti tlesuu teteɗ suu buɗ tasina, ni tlesuu sa ma ɦawa ka ndak a tasiɗina. 14Lini sa ma ka hu njaf ma vi mul ma li ɓivunnanaɗi, tlesuu teteɗ asina paɗ funum wa ni nam warak mul ma li ɓivunna hoŋom tlesuu nam tasina kiyo, hin cukum keŋ ma vadlna ha kayam hu olo.
15«Ka a muli suu li ɓivunna mbuɗ tlesuu teteɗ suu may suu Israelna ɦasi ay maŋ Yawena ki njenjeɗi. 16Lini suu ka ndaki a ti tlesuu teteɗ asinaɗina tasi wa ni asi mbaa cora ni kay suu Israelna, ni asi ndak a li ɓivun ma min duk ɦoŋga, kay an Yawe, mbuɗ muli suu li ɓivunna ki teteɗ ni anu, a asi lan sun manda.»
Gaɗta kay tlesuu manasi a li ɓivunnana
17Yawe di Moiz ana, 18«Di Aaron, di goryomu, di suu Israelna halaŋ ana, lini sana ni sa ma Israelna ɗowba ni ŋgay ma ki cuki zina dukugina min a li ɓivun ma ŋgalam ki ŋgalina, ko ndal ɓivun ma asi mbaaram maŋ Yawe, hu li ma sana yi va kamma na, ɗowba mbaa ɓivunna ay u min mamba ɦawa na ni, 19Lini agi min a ɓivunna li jiviya ni mbaa ay ni va ma njufna ma bay ŋgulla egemma, duk yoori magisina mbutl ɗowba timii ɗowba ɦu ɗowba. 20Mbaaragi yoo ma ki daki ay a li ɓivunnaɗi, ni ɓivun magi namma ka viɗi.#Gaɗ. 17.1
21«Lini sana min a li ɓivunna kay dlara nam yi va kam yii ɗowba ɓivun ma u min mamba a hal heɓpa maŋ Yawe ni, nam hin li ɓivun ma heɓpa. Nam vi ay ni yoo ma ŋgol ɗowba ma gooro, ni nam ɦal ni ma bay ŋgulla egemma, ni ma huɗuk ka egembina. 22Vi ma irim dugiɗi, ma daliɗi, ma torsosonaɗi, ma cukka egemmaɗi lay. Mbaa yoo ma ko ndaɗta na fok Yaweɗi, ŋgal va ma na kay givin ma togolla maŋ Yaweɗi. 23Lini mbutlna ɗowba timiina, sem ma dewna fiyek ɗowba ki geɗeŋe ni aŋ ndak a li ɓivun ma minda u namu. Ka li ɓivun ma sana yi va kam yii kala suu tam kala u nambi kama. 24Agi ka li ɓivun maŋ Yawe u yoo ma ɦuɗum kaɗi, ɗowba ma huɗum ki tooynaɗi, lagi ɓivun u yoo ma ko namma na hu mbas magiraɗi. 25Ko koyogi suu cuki dukugina lay ni vagi yoo ma ko namma na kosi a li ɓivun maŋ Looginaɗi, kay yoo ma ki paɗi nana mbuɗ ki ni va ma ŋgulla egemma, namma ka jivi kagi oloɗi.»
26Yawe hin di Moiz ana, 27«Hu li ma mbutl kala, timii kala, ɦu kala, vuɗ wa ni goona li buuna kiɗisiya u sumu, buu ma kalavandina ni nam ki ni jiviya, lini sana vam a li ɓivun ma ŋgalam kina maŋ Yawe lay ni jiviya. 28Na may ŋgaɗ goo mbutlna, ɗowba goo timiina, goo ɦuna hu buu ma dewna u sum jakgi.
29«Lini agi min a li ɓivun ma gi deɓpa maŋ Yawe ni lagi ni ko gaɗta dira na, ni ɓivun namma hin li kagi jivi may. 30Kom tliw namma ki ni hu buu namma halaŋ ka buu maa koloɗi. Ni an Yawe.
31«Agi golongi gaɗ manda jiviya, li uɗ may. Ni an Bu Suuna. 32Agi ka mbuɗun sen ma teteɗna ki njenjeɗi, kay a an li ki ni teteɗ duk suu Israelna. Ni an Yawe, ma mbuɗugi ki teteɗna. 33Ni sa ma cukugi ay ki hu mbassa Egiptera kay ana nam a li ni Loogina. Ni an Yawe.»
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Bible Moussey © Bible Society of Chad, 2002.