I Versetti Biblici più popolari da Ciyubunuzyo 13

Condividi

Mbuboobu busongo. Oyo uujisi maanu abale mweelwe wacinyama, nkaambo ngomweeIwe wamuntu, Mweelwe wakwe njemyaanda iili musanu aumwi amakumi aali musanu alimwi amusanu aumwi.

Nkabela boonse bakala ansi bayoomukomba, nkukuti abo batajisi mazina aalembedwe mubbuku lyabuumi lya-Mwanambelele iwakajayidwe kuzwa kumatalikilo aanyika

Alimwi wabacitya bantu boonse, nibaba baniini nibaba bapati, nibaba bavubi nibaba bacete, nibaba bazyale nibaba bazike, kuti balembwe bulembo kumaanza aabo aalulyo nanka kunkumu zyabo, akuti kutabi muntu naba umwi uukonzya kuula nikuba kuuzya, cita uujisi bulembo, nkukuti izina lyacinyama nuuba mweelwe wazina lyaco.

Kufumbwa muntu uutola bamwi kubuzike, alakwe mwini uyootolwa kubuzike, ayooyo uujazya ipanga, alakwe uyoojayigwa apanga mbubonya. Mbuboobo mbuluboneka lukakatilo lwabasalali alusyomo lwabo.

Lino ndakabona cinyama cizwa mulwizi, cakalijisi mitwe iili musanu aibili ameja aali ikumi. Atala ameja aakwe akali misini iili ikumi, nkabela amitwe yakwe akali mazina aabusanke.

Lino wakapegwa inguzu zyakulwanya basalali akubazunda, alimwi wakapegwa bwami bwakweendelezya misyobo yoonse amikowa yoonse amyaambo yoonse amasi oonse.

Aboobo cabeena boonse bakala ansi nkaambo kazeezyo zigambyo nzicakazumizigwa kucita kumeso aacinyama citaanzi. Cakabaambila abo bakala ansi kuti baleelede kucita cikozyano cacinyama eco icakayasidwe apanga pele alimwi capona. Nkabela cakapegwa inguzu zyakucipa buumi eco cikozyano cacinyama, kuti cikozyano cacinyama caambe akucitya kuti boonse ibatakombi cikozyano cacinyama bajayigwe

Eco cinyama ncindakabona­ cakalikozyenye asiluwe, azituta zyakwe zyakali mbuli zituta zyanengo, amulomo wakwe wakali mbuli mulomo wamulavu. Nkabela Simwaaba wakamupa inguzu zyakwe acuuno cakwe abwami bunji.

Lino wakapegwa mulomo uuamba makani mapati abusanke, alimwi wakapegwa inguzu zyakucikala myeezi iili makumi one amyeezi yobile.

Lino ndakabona kuti umwi mutwe wakwe wakaliyasidwe calufu, pele ciyaso cakwe calufu cakaponesegwa, nkabela nyika yoonse yakagamba kucinyama.

Lino ndakabona cinyama cimbi cizwida munyika. Eci cinyama cakalijisi meja obile mbuli mwanambelele, pele kwaamba cakali kwaamba mbuli Simwaaba, Nkabela bwami boonse bwacinyama citaanzi, eci cabili cakabubelesya kumeso aceeco citaanzi. Cakasungilizya inyika yoonse abantu boonse bali mulinjiyo kuti bakombe cinyama citaanzi icakaponesegwa ciyaso caco calufu.