I Versetti Biblici più popolari da Ba-Galatiya 5

Condividi

Pele micelo ya-Muuya njeeyi:— luyandano, lukondo, luumuno, busicamba, buuya, bubotu, lusyomo, lubombo, kulyeendelela. Kulibaabo bacitaula zili boobo taakwe Mulao uubalwisya.

Nciŋamba nceeci, Inzila niimweendela ibe yamu-Muuya, aboobo mutakaciti zisusi zyanyama.

Lino nituponena Muuya, inzila njitweendela ayalo ibe ya-Muuya.

Lino abo ibakwe Kristo Jesu, nyama baliibambwide aciingano antoomwe aziciso zyayo azisusi zyayo.

Lino milimo yanyama ilibwenekede, njeeyi:— bwaamu, busofwaazi, zisusi zibi, kukomba mituni, bulozi, inkondo, bulwani, lukazyanyo, inyemo, insulano, mipampo mipampo, impilingano, ibbivwe, inkolwi, injalalando, azimwi zili boobo. Lino ndamwaambila aazintu ezi mbubonya mbundakamwaambila kale, kuti abo bacitaula zintu zili boobo tabakooyookona Bwami bwa-Leza

Inywe, nubakwesu, mwakaitwa kuti mube abulubusi, pele amucenjele kuti obu bulubusi butabi buliinsyo bwakucita zisusi zyanyama. Umwi aumwi abe muzike kumweenzinyina cakuyandana.

Nkaambo nyama ilijisi zisusi zilwisya Muuya, awalo Muuya ulalwisya nyama, Ezi zyobile zilasundana, aboobo mulakacilwa kucita mbuli mbwiiyanda myoyo yanu.

Nkaambo mitwe yamakani ya-Mulao yoonse ili mukati kajwi eli lyomwe lyakuti, Yanda mweenzinyoko mbubonya mboliyanda omwini.

Tutabi basikambotwembotwe, tutakalazyanyi, tutabi abbivwe umwi amweenzinyina.

Nkaambo kaako amuliyumye akujatisya obo bulubusi mbwaakatulubula Kristo. Mutanjili lwabili mujoko lyabuzike.