I Versetti Biblici più popolari da Gurtaaki 7

Condividi

Jawmiraawo wi'i Muusa: “Ndaa, mi laatini ma yeeso Firawna bana Allah. Deerɗiraawo ma Haruna boo laatoto bana annabiijo ma.

Min, mi saatinan hoore Firawna. Mi ɗuɗɗinan alaamaaji e kaayeefiiji am nder lesdi Misra. Firawna nanantaa on. Nden mi waŋginan baawɗe am haa Misra bee kiitaaji naawɗi, mi wurtinan mooɓe honooɓe am, waato ummaatoore am Isra'iila'en diga lesdi Misra.

Nden Misra'en anndan min woni Jawmiraawo, wakkati portanmi juŋngo am dow Misra, haa mi wurtina Isra'iila'en diga lesdi maɓɓe.”

Firawna ewni hikma'en e waɗooɓe hiila lesdi Misra, hiila'en ɓe'e mbaɗi bana non bee hiilaaji muuɗum'en. Koo moy maɓɓe sakkini sawru muuɗum haa lesdi e cabbi ɗi'i laati boɗɗe. Ammaa sawru Haruna moɗi cabbi maɓɓe.

Ngam maajum Jawmiraawo wi'i: Dow ɗu'um, a anndan min woni Jawmiraawo. Ndaa, mi fiyan ndiyam nder maayo Niil bee sawru wonndu haa juŋngo am ndu'u, ɗam laatoto ƴiiƴam.

“To Firawna wi'i on: Mbaɗe kaayeefi, an Muusa a wi'a Haruna hoo'a sawru mum, o sakkina ndu yeeso Firawna. Ndu laatoto mboodi.” Muusa e Haruna njehi haa Firawna, ɓe mbaɗi bana Jawmiraawo umri ɓe. Haruna sakkini sawru muuɗum yeeso Firawna e saraaki'en mum. Ndu laati mboodi.