I Versetti Biblici più popolari da ROMANEN 3

Condividi

Za daŋ joŋra faɓe' ɓo, woŋra ki ɓo ne yǝk Masǝŋ pǝɗǝkki. Amma Masǝŋ joŋ gboŋgboŋ ne keera na za matǝ njaŋ tǝkol mor Yesu Kristu mai mo ge wǝǝ ra ɓo.

Masǝŋ a joŋ za ka mo yeara pel ah njaŋ mor iŋ ɓǝǝ mo nyiŋra Yesu Kristu ɓo, a ga joŋ za ma nyiŋra Yesu Kristu daŋ naiko, mor Masǝŋ ka joŋ za camcam ya.

Masǝŋ nǝǝ Yesu mor ka ne wul ah za mo lwaara fahlii rwah faɓe' ga lal mor iŋ ɓǝǝ mo nyiŋra ko ɓo. Masǝŋ joŋ nai mor ka cuu njaŋ suu ah nyi na. Mor Masǝŋ tǝ kyaŋ za faɓe' daga ɓaaɓe bai ŋgoŋ kiita tǝ faɓe' ɓǝǝra, amma ne zah'nan ma fahfal zǝzǝ̃ǝko cuu fahlii mai za moo gak yeara pel ah njaŋ ne nyi na. Ne joŋ naiko, cuu ɓo, ako njaŋ, a so ga joŋ za ma nyiŋra Yesu Kristu daŋ ka mo yeara pel ah njaŋ ta.

Mor koo dǝɓ vaŋno ka gak yea pel Masǝŋ njaŋ ne joŋ fan mai ɓǝ lai mo faa ɓo ya. Mor ɓǝ lai a cuu fahlii nyi dǝɓ ka pah ah mo tǝko azye ye pa faɓe'.

Tǝgbana Ɗerewol mo faa: Dǝɓ matǝ njaŋ kǝka, koo vaŋno laŋ kǝka. Dǝɓ ma tan mor ɓǝ matǝ njaŋ kǝka, Dǝɓ ma kyeɓ ka tai ki ne Masǝŋ laŋ kǝka ta. Za daŋ woŋra ki ɓo ne Masǝŋ pǝɗǝkki, Ɓebra ɓo zahki daŋ. Dǝɓ ma joŋ fan sãh kǝka, koo vaŋno laŋ kǝka.

Mor na tǝ ɓe, dǝɓ gak yea pel Masǝŋ njaŋ mor iŋ ahe, amma ka gak yea njaŋ pel ah mor tǝ syee mor ɓǝ lai ya.

Ka nai ya! Koo dǝfuu mo pǝber laŋ, Masǝŋ gak yea Dǝɓ tǝ goŋga kpǝ. Tǝgbana Ɗerewol mo faa: Mo tǝ faa ɓǝ ɓe, ɓǝ faa ɓo mo yea goŋga, Ka koo mo tǝ ŋgoŋra kiita tǝ ɓo laŋ, Kiita ɓo mo ɓoo ra.