I Versetti Biblici più popolari da Proverbios 9

Condividi

Vaa ja ko kuu o in ñayii ndichi ma chi xinañu'u kuiti‑ka ja koyu'u o Su'si ma te másu ko sa'a o ni‑in ja u'vi te sukan te ko kuu o in ñayii ndichi. Te nuna jin kutu'va o ja jin ko sa'a o sukan ká'an Su'si o iya ñatuu na u'vi sa'a ya ma chi jin ndani'i o janitnuni va'a te jin ni'i ini o nawa jin ko sa'a o.

Va'a‑ka ja máko ndaka'an ni na kuechi ñayii sa'a ja u'vi ma te ko saxiko ña'a i, vaa masu nawa chindee ni i. Va'a‑ka ndaka'an‑so'o ni nuu ñayii ndichi ma te kuni ni ja kutoo ña'a i.

Kaxtnu'u‑ka ni nuu ñayii ndichi ma, te kundichi‑ka i, vaa ñatuu‑ka na ja u'vi sa'a i ma, te jaku'ni‑ka ini i naxe ko sa'a ko kuu i

Vaa nuna kandija o te sa'a o sukan ká'an tnu'u ndichi Su'si ma chi sa'a i ja koteku kani‑ka o ñuu ñayivi a.

Ñayii ndáka'an‑so'o nuu ñayii jakundee ña'a ma, ja ni'i i kokuu ja ndonda ñayii yukan nuu i ma, te ñayii ndáka'an na kuechi ñayii sa'a ja u'vi ma chi ja ni'i i kokuu ja saxiko ña'a ñayii ma.