I Versetti Biblici più popolari da Proverbios 29

Condividi

Ñayii koyu'u in‑ka ñayii ma chi ja xnda'vi ña'a ja u'vi ma kúu, kovaa ñayii kúkanu ini Su'si ma chi koo va'a i te koo jayiñu'u i.

Nú ñatuu na ñayii ndakaxtnu'u tnu'u Su'si ma iyo in ñuu ma chi ma jin sunkani ñayii ñuu ma ja ma jin sa'a‑ka i ja u'vi ma, kovaa ñayii sa'a sukan tátnuni Su'si ma chi chindee ña'a ya te koo vava'a i.

Ñayii kúkuee xeen ma ja ñatuu jáku'ni ini i ma chi ûni wa'a maa i tnu'u ja ndákiti xeen ini i te sa'a ndeva'a i ma, kovaa ñayii ndichi ma chi kúndee i tátnuni i nuu maa i, te ndúkuee ini i, te ñatuu sa'a i ja u'vi ma.

Nú nawa ni sa'a sa'ya o ma, te ke'en o i ji'in yutnu xii ma ja ndakani ichi o i ma, chi kutu'va i naxe ko kuu i ñayii ndichi, kovaa nú ndimaa kuji'in o ji'in i chi ndimaa ja kan‑nuu ndakua'a i si'i i ma.

Ka'an‑so'o ni nuu sa'ya ni ma ja na ku'un kaji ku'un va'a ini i, te sukan, te sa'a i ja ndatatu anua ni te koo sii ini ni.

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Tee ndimaa ndákiti ini ma chi ndimaa ja kanaa de kúni de, kovaa ja sukan kúu de ma chi ndimaa jiso kuechi de.

¿Jâ ni kuu jini ni in ñayii ja ni masu jani ini i te yachi‑ni ká'an i ma? Ja ká'an sa kúu ja iyo‑ka tnu'u kanu ini ja ndasa'a ñayii kúkuee ma kuenda sana ñayii ya'a.