I Versetti Biblici più popolari da HEBREOS 10

Condividi

Ndiya neꞌ taꞌaan nu ja ndaꞌan seꞌen ndiꞌin taꞌa msñian chaꞌ ꞌin Jesús, nu ja ndyoꞌ tiꞌin loꞌo taꞌaan. Ja suꞌwe kuꞌnian ngwañaꞌan; ndiꞌin chaꞌ ti tsaan tyoꞌ tiꞌian loꞌo taꞌaan, chaꞌ kanun tsaa la chaꞌ ꞌin Ndiose niꞌ kasiya ꞌñaan, taꞌaan nu wa msñian chaꞌ ꞌin Ni. Wa ndyaa ñaꞌan tianꞌ chaꞌ wa kan ti Xꞌnaan xiyaꞌ, kanꞌ chaꞌ taꞌa ti tyoꞌ tiꞌian loꞌo neꞌ taꞌaan ni.

Tyaꞌan suꞌwe chaꞌ tiyean sikwa, chaꞌ kaja ñaꞌan tayaanꞌ ꞌin xka ta taꞌa msñian chaꞌ ꞌin Jesús; tayaanꞌ ꞌin neꞌ kanꞌ, chaꞌ xkwiꞌ chaꞌ suꞌwe kuꞌni neꞌ loꞌo taꞌa neꞌ, chaꞌ ngwañaꞌan ka xuꞌwi chaꞌ suꞌwe tiye neꞌ ñaꞌan neꞌ ꞌin taꞌa neꞌ.

Kuꞌnian chaꞌ tsaa ñaꞌan suꞌwe tianꞌ chaꞌ nu wa msñian ti kulo sikwa, ja xiꞌin chuanꞌ ꞌin chaꞌ kanꞌ siyaꞌ ti. Ka tsaa ñaꞌan tianꞌ ꞌin Ndiose, chaꞌ chañi kuꞌni Ni nchga chaꞌ nu wa ykwiꞌ Ni loꞌoan.

Ndiꞌin chaꞌ talo wan ti xꞌni ni siya chan ꞌa, si ti nchka tiꞌ wan kuꞌni wan nchga tñan nu nchka tiꞌ Ndiose, chaꞌ ti ñaꞌan wan nchga chaꞌ nu wa ykwiꞌ Ni chaꞌ ka chunꞌ ndiꞌin la.

Tsaan seꞌen ndiꞌin Ndiose sikwa; tyukwi ti tiyean kuꞌnian chaꞌ ka ska ti chaꞌ ꞌñaan loꞌo Ndiose Stian, chaꞌ xñiin suꞌwean chaꞌ ꞌin Ni bra kanꞌ. Wa yꞌni tyii Ni nchga chaꞌ kuxi nu yꞌnian, kwiꞌ nu lye ꞌa mda chaꞌ jyuꞌu ꞌñaan; loꞌo luwi kasiya ꞌñaan ni, ñaꞌan tiꞌ si wa ytaan chku loꞌo tyiꞌa nu luwi ꞌa.

Ja kulaa yaꞌ wan chaꞌ ꞌin Jesús sikwa. Lye la kuꞌni wan chaꞌ ka ngula tiꞌ kasiya ꞌwan, chaꞌ suꞌwe ꞌa chaꞌ nu kaja ꞌwan chunꞌ ndiꞌin la tloo Ndiose, si ti xñi suꞌwe wan chaꞌ ꞌin Ni bra kanꞌ.

Ja ndiya ꞌa xka lomstan nu taan ꞌin Ndiose, si ti ndiya tianꞌ kuꞌnian chaꞌ kuxi bra kanꞌ; ja ndiya xka la chaꞌ nu ka kuꞌnian, chaꞌ katin kiꞌya nu ndiꞌin ꞌñaan. Wa ngwa biyaꞌ tianꞌ chaꞌ chañi ꞌa chaꞌ ꞌin Jesús kanꞌ, loꞌo ja kuꞌni ꞌa Ndiose chaꞌ tlyu tiꞌ ꞌñaan si xiꞌin chuanꞌ ꞌin chaꞌ kanꞌ. Sa kanꞌ ti chaꞌ ka ꞌñaan bra kanꞌ, kutsean ꞌin Ndiose xa nu tiya bra nu kuꞌni biyaꞌ Ni ꞌin nchga nten nu nxuun loꞌo Ni. Kanꞌ kuꞌni tyii Ni ꞌin nchga neꞌ kanꞌ, tyaa neꞌ lo kiiꞌ tnun nu ja tsaa tii ꞌa chkin bra kanꞌ.