I Versetti Biblici più popolari da Evésu 2

Condividi

Vu̱vyichasara daryaju̱ su̱ndebimiy jiryatiy su̱ndejada Jesucrístumu vu̱y, vurya̱tidye vichasara samiy jvaavye, darya sabayada ji̱tyaju̱ vurya̱vichajaya̱sara daryá samirya sadiya.

Vinu sa̱ntyutya̱damusiy vu̱ryamitya mityara vu̱jyuuchuveda murichirya, jiryatiy vu̱tyuva̱choda simu. Vu̱tyuva̱choda ji̱tantiy ne vu̱dyirya tuva̱choda darya; Ju̱denumusiñuma rani̱cha ti̱ta̱ju̱ day. Ne vu̱cya̱na̱y vuryivaayadatara, vu̱ñuma jchana̱tya ranchivyu̱y.

Ju̱denu ji̱ta ni̱tiy jaryi jantyutyara, jiryatiy sava̱ta̱da jaryi jivya̱ta̱damu vu̱y, dañuma vu̱ñi̱chanu̱yada diibyimiy vu̱jyuuchuvediva, Crístu jsa̱ju̱ sasa̱yada ja̱muca̱ jnu̱yadaju̱ varivyu̱y. Sani̱ru̱yadamu jirye̱yada variy vuryeyadaju̱.

Sami̱sadeda Ju̱denu Jesucrístu jsa̱ju̱ vu̱y, sama̱sadeda jarichumu sisa̱ju̱ varintyivyu̱y, sa̱tidye dityanujaya̱sara ju̱na̱re sa̱ra̱ju̱ra jaryi yentyutya̱da, jiryatiy jaryi samirya jachityi̱ savichasara daryaju̱ vu̱ñijyu̱ Jesucrístumusiy.

Ramuni̱mu̱y ne jiryeñi̱cha munu̱ñumiñu̱day, dantyamu̱y ne raruva̱ ja̱nvay. Jiryeñi̱cha ji̱ta Ju̱denu jiintyasavay tevamyidye, Ju̱denu rorijya̱nvay tevamyi jarye risa̱ju̱ ti̱ta̱ju̱. Saroriiy Ju̱denu jiryetya rincha yinsu̱byimiy, saju̱ tu̱chuvabe jarye, nu̱tyu ju̱tuvu̱ nta riñi̱cha variy. Ni̱ni̱ Jesucrístu sani̱cha ravichu̱ nta roriy suru̱tya̱ju̱.