I Versetti Biblici più popolari da Xhun 5

Condividi

As ile' jik chit tuk val sete, u uxhchile' uve' la niman unq'a yole' uva' ni vale' as la ik'ujb'a' ik'u'l ti' u Tiixhe' uva' chajol tzan vetz, tan at chit itiichajil u taanxelale' uve' ye'l iya'teb'al. As ye'l u k'axk'o at ve't tzan ti' unq'a uxhchile', tan elnallu ve't vatz u kamchile'. As at ve't itiichajil uva' ye'l iya'teb'al.

As til ve't u Jesús u aach'o'me' uva' koxhlik tzi' u a'e'. As atik ve't sk'u'l Aak uva' na'xnik ixe't naj ch'o'noj. As ech tal ve't Aak ile': —¿Ma nasa' uva' la b'a'nx ve't axh?— ti'k Aak.

As tul b'enameen chit nechus etib' ti' viyol Aake' uva' tz'ib'amal kan, tan a' netale' uva' at itiichajil uva' ye'l iya'teb'al, tan ti' uva' chusel etib'. As tul a'e' ni alon isuuchil u vijle'me'. As ye' nesa' etoksat etib' sunk'atz. As tul ine' la aq'on itiichajil uva' ye'l iya'teb'al.

As ech tal ve't u Jesús ile': —Txakpen. Eq'o vach'achi'm tze'e'. As kuxh ve't takab'al,— ti'k Aak tal te naj. As yak chit b'a'nx ve't u aach'o'me'. As teq'o ve't naj u ch'achi'm tze'e'. As xaan ve'te'. As tu u xeem q'iie' ib'a'nxisa u Jesús u aach'o'me'.

As ech tal ve't u Jesús ile' te chajnaj: —Ile' jik chit tuk val sete tan ye'xhkam la uch unb'anata' sunjunal. Pet a' nunb'ane' uve' ni vile' uva' nib'an vunB'aale'. As jank'al uve' nib'an vunB'aale' as echat nunb'ane' unpajte