I Versetti Biblici più popolari da Xhun 14

Condividi

As in kuxhe' la aq'on sete uva' b'a'n etatin sevatzaj. As ye' kuxh exaansa etaama, tan in kuxhe' la aq'on sete ti' uva' b'a'n etatin sevatzaj. As ye' xo'v ex, tan jit eela uve' tuk vaq' sete ti' uva' la taq' unq'a vatz tx'ava'illa txumb'ale' sete.

Ech tal ve't u Jesús ile': —Ine' u b'eye'. As ine' u jikla yole'. As ine' u tiichajile', tan ye'xheb'il la uch tok k'atz vunB'aale', asoj jit in la oksan k'atz Aak.

As ech tal ve't u Jesús ile': —Ye' kuxh exaansa etaama. As ek'ujb'a'taj ek'u'l ti' u Tiixhe'. As ek'ujb'a'taj ek'u'l svi' unpajte

Pet la ul u lochol etetze' uva' Tiixhla Espíritu uve' tuk ichaj tzan vunB'aale', tuk' vunb'iie'. As a' ve'te' la chusun ex ti' etootzit isuuchil unq'a vee' nunb'ane'. As la tulsa ve't vunyole' sek'u'l uva' kat val sete.

As ab'il uva' ootzimal ve't vuntzaq'ite' sta'n, as ninima, as a'e' uve' xo'n in ste. As ab'il uve' xo'n in ste as tuk xo'niloje' ta'n vunB'aale'. As ine' la xo'nin ve'te'. As la unk'uch vuntxumb'ale' ste,— ti'k u Jesús.

As la unjaj b'a'nil te vunB'aale' ti' taq'at tzan Aak uma't u lochol etetz, aq'al uva' la atin ve't sexo'l ti' chit ib'ene'. As a'e' u Tiixhla Espíritu uva' la lochon ex ti' etootzit isuuchil u yole' svi'. As ye' la uch tok k'atz unq'a uxhchile' uve' vatz tx'ava'illa txumb'al vitxumb'ale', tan ye'xhkam ni tile' as ye'xhkam ootzimal sta'n. Pet ech koj ex, tan ootzimal ve't u Tiixhla Espíritu seta'n, tan at ve't sexo'l. As tuk atinoj ve't sek'atz.

As kam unq'a vee' la ejaj te vunB'aale' tuk' vunb'iie' as la unb'ane', aq'al uva' la unk'uche' uva' nitoksal iq'ii vunB'aale' ta'n viK'aol u Tiixhe'. As kam chit unq'a vee' la ejaj tuk' vunb'iie', as la chit unb'ane'.

Asoj xo'n ve't in sete, as enimataj vuntzaq'ite'.

tan nimal atinb'al ati xe' vunB'aale'. As jit'e'ch koje', as ye'le'xh la val sete. Pet b'en in ti' unb'anat isuuchil vetatinb'ale' k'atz u Kub'aale'.

As tul uva' la b'en in, as la b'en unb'an isuuchil vetatinb'ale'. As la ul in unpajte, tan la ul veq'o ve't ex, aq'al uva' katil uve' la atinkat in as tzitzi' la atinkat ex

As ech tal u Maxh ile' te u Jesús: —Pap, as ye' qootzaj uva' katil la b'enkat axh. ¿As kam la qulb'e qootzit u b'eye' q'i?— ti'k naj.