I Versetti Biblici più popolari da Hebreos 4

Condividi

As a' viyol u Tiixhe' ni aq'on itiichajil u qaanxelale'. As at pal iyak'il ti' tilat u qaanxelale' ti' u ch'ich'e' uva' ka'va'l tee, tan la palik ok viyol Aake' tu u qaanxelale' techal toon xe' qaama eche' tok umaj ch'ich' tu kuchi'ol. As la chukun ib'en tu kub'ajil. As a' viyol Aake' la pich'un kam uva' ni tal qaama tuk' uva' ni qitz'a.

Esti'e' ye' la xo'v ve't o' ti' kujetz'en ok k'atz Aak tu uve' xonle'lkat Aak tuk' u tijle'me' uva' atkat vib'a'nil Aake'. As la itxum Aak kuvatz. As la iloch ve't o' Aak tuk' vib'a'nile', tul la kupaleb'e unq'a k'axk'oe'.

As u Jesús, u nimla q'esal oksan iyol tenam vatz Tiixhe' ti' itxumat kuvatz as ti' ilochat o' Aak vatz u paave', tan kat chukax txumb'al ti' Aak eche' uva' ni qulb'ele', tan a' kat alchi uva' kat koj paavin Aak. As ye'l Aak kat paavini.

As ye'l umaj vicheesa'm Aake' uva' ye' koj na'l vatz Aak, tan kajayil chite' unq'a vee' na'l vatz Aak. As Aake' uva' la kuxocho'k qib' ste ti' uva' kam kat kub'ana.

As ye' la kuya'sa kunimat unq'a yole' ti' u Jesús, viK'aol u Tiixhe', tan Aake' uva' nimla q'esal oksan tetz iyol tenam vatz Tiixh. As echen ve't Aak tu almika'.

Qaq'taj yak'il setuk' ti' u chiib'ichile' uva' alel sqe ta'n u Tiixhe', aq'al uva' ye'l umaj o' la yan kutxumb'al eche' uve' kat ib'an unq'a tename' uva' na'ytzan uva' kat ipaasa tzii.