I Versetti Biblici più popolari da KubaseFiliphi 2

Condividi

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani. Ngulowo nalowo anganakekeli kwakhe yedvwa, kepha anakekele nekwalabanye

Awube kini lowo mcondvo lowawukuJesu Khristu

lowatsi anesimo saNkulunkulu, wangete washo kutsi kulingana naNkulunkulu kuyintfo yekunkonkoshelwa. Kepha watidzela, watsatsa simo senceku, waba ngumuntfu njengatsi. Watsi atfolakale anjengemuntfu ngesimo, watitfoba, walalela kwadzimate kwaba ngusekufeni, yebo, ekufeni kwesiphambano.

ngobe nguNkulunkulu losebenta kini kutsandza nekwenta ngekwentsandvo yakhe lenhle.

Ngako-ke Nkulunkulu wamphakamisa kakhulu, wamnika libito lelingetulu kwemabito onkhe, kuze kutsi ngelibito laJesu emadvolo onkhe aguce, alabasezulwini, newalabasemhlabeni, newalabangaphansi kwemhlaba, netilimi tonkhe tivume kutsi Jesu Khristu uyiNkhosi, kube ludvumo kuNkulunkulu longuYise.

Yentani konkhe ningakhononi, ningaphikisani, kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela