I Versetti Biblici più popolari da Mateo 10

Condividi

“Pamati kamo! Ako nagpadala kaninyo nga sama sa mga karnero ngadto sa panon sa mga lobo. Busa kinahanglan nga magmaigmat kamo sama sa bitin ug magmalumo sama sa salampati.

Ug kadtong maniguro sa iyang kaugalingong kinabuhi, kawad-an niini. Apan ang kawad-an sa iyang kinabuhi tungod kanako, makabaton hinuon niini.

Ayaw kamo kahadlok niadtong mopatay sa lawas apan dili makapatay sa kalag. Kahadloki hinuon ninyo ang Dios nga makalaglag sa lawas ug sa kalag didto sa impirno.

Ang dili mopas-an sa iyang krus ug mosunod kanako, dili takos mahimong tinun-an nako.

“Ang moila ug moangkon kanako atubangan sa mga tawo, angkonon ko usab atubangan sa akong Amahan didto sa langit. Apan ang dili moangkon nga siya akoa, dili ko usab angkonon atubangan sa akong Amahan didto sa langit.

Ayoha ninyo ang mga masakiton, banhawa ang mga patay, hinloi ang mga sanlahon ug hinginli ang mga yawa. Nakadawat kamo nga walay bayad busa panghatag kamo sa walay pagpangayog bayad.

Busa ayaw kamo kahadlok kay labaw pa kaayo kamog bili kay sa mga langgam!

“Ayaw kamo paghunahuna nga mianhi ako aron pagdalag kalinaw sa kalibotan. Dili kalinaw ang akong gidala kondili espada.