I Versetti Biblici più popolari da Lukas 9

Condividi

Balalu kea Yesus hamauh umba uluh are: “Eweh bewei uluh je handak manjadi murid-Ku, iye harus malekak narai je jadi kahandak ewen. Tuntang ewen harus siap akan mananggung salib ah satiap andau tuntang umba ih Aku.”

Awi eweh bewei je handak manyalamat pambelumah intu dunia tuh dia akan tau mandinu pambelum je katatahi, tapi eweh bewei uluh je manyarah pambelumah awi iye murid-Ku maka akan mandinu pambelum je katatahiah.

Tapi Yesus manjawab'ah: “Eweh uluh je handak manjadi murid-Ku tapi iye haluli akan pembelum je helu, iye dia tau akan umba intu huang karajaan Allah.”

Awi te akan narai amun ikau manggau uras sesuatu intu dunia tuh tapi dia mandinu pambelum je katatahi?

Kilau te kea amun ikau mahamen awi Aku tuntang ajaran-Ku, maka Aku kea, Anak Kalunen, akan mahamen awi ikau intu waktu Aku dumah haluli akan dunia huang kahalap-Ku tuntang kahalap Bapa tuntang kea kawan utusan Tuhan je kudus akan dumah pahayak dengang Ku.

Yesus manjawab auh'ah: “Kare bahuang melai intu huang rumbak tuntang burung intu langit melai intu saranganah. Tapi Aku, Anak Kalunen, jatun uka melai mangat tau batiruh.”

Balalu Yesus hamauh umba kawan murid-Ah: “Eweh uluh je manyambut anak je kurik tuh awi Aku, iye kea manyambut Aku tuntang eweh uluh je manyambut Aku, iye manyambut Allah kea je manyuhu Aku. Awi eweh uluh je paling kurik, iye ih je paling hai intu taharep Allah.”