I Versetti Biblici più popolari da Mátyo 7

Condividi

Kɔndɛ́ Dyǔ, lí bə wə̂. Sǎ, Dyǔ lí bwə wə̂ ɛ mín. Kfǔm ɛkuʼ Dyǔ lí dfǔl wə̂ yɔ́.

Á ɛ́tútú nána, mɔtɛ́ awə̌ a kɔndɛ́ Dyǔ yǔm, á kwisí yɔ́. Mɔtɛ́ awə̌ a sakání Dyǔ yǔm á mín yɔ́. Ká njá mɔ́lə́ awə̌ a kfumbí ɛ́kuʼ, Dyǔ lí dfǔl mɔ́ yɔ́.

Ti Yésuwə a byábí pə́ nána, Áfánikə̌, ká njá awə̌ a wúkí biyala bí myə bínán, ti ǎ bwə ngə bí byání, a dí ngə mɔ a wukínjú awə̌ a lúŋí ndáʼ ɛ́ mɔ á ɛ́lábán álí bwə nána ɛ kpú.

Áfánikə̌, bwəlâni á baʼ bápə́pə̂ yə̌ ɛ́yə́ nyí saní nána bá bwəlí nyə́ nâ mbéndá ɛ Dyǔ na balakuwa-bá-mudî bá mə́ní ɛ lɛ́fu.

Ndé ɛkuʼ ɛ́ nji ɛ luŋgɛ́ álə́ lí sə̌ ɛ́ mɛ ɛ́ kɔ́ŋí. Nji pə́ ɛ́yə́ ɛ́ kə á wə́ ɛ́ kámbí, nsɔŋgí m bâ ábə́ bá túm á wə́ bá bwíyǎ átin.

Ti Yésuwə a pɔŋí pə́ bɔ́ nána, Nyí túm á ɛkuʼ ɛ́yə́ ɛ́ kɔ́ŋí, á ɛ́tútú nána ɛkuʼ ɛ́yə́ ɛ́ kə á mwǐ ámə́ n sə̌ ɛ́ dím ɛ́ kɔ́lí, nji pə́ ɛyə̌ ɛ̌ kə á wə́ ɛ́ púwání, nsɔŋgí m bâ ábə́ bá túm á wə́ m bwí átin.

Njí nyə́ ábə́ nyí dí baʼ bá bî nyí bí ɛ bə̌ mábeya má mbâ á bǎn bá nyə, bitî bítín na Sáŋ n nyə awə̌ a dí á mǐn? Yán lí sî bəní mabeya má mbâ á baʼ ábə́ bá kɔ́ndɛ́ mɔ́?

“Mɔʼ a si káyísí wɛ́n álí bwə nána Dyǔ pə́ lí sî káyísí mɔ́. Nyai ɛyə̌ ɛ káyísíní wɛ́n yɔ́ Dyǔ pə́ lí káyísíní wə. Mulimlim m límɛnɛ ámə́ ɛ bwəlání, mɔ́ pə́ Dyǔ lí bwəlaní álí káyísí wə̂.

Ndé ká njá awə̌ a wúkí biyala bí myə bínán, ka a si bwə́ ngə ɛ́ sakiní, a dí ngə mɔ a ɛlemâ awə̌ a lúŋí ndáʼ ɛ́ mɔ a fyangú ámǐn.

Yə̌ ɛ́ bwə́lí ka ɛ pámí ɛ́ mín ɛputáʼ ɛ́yə́ ɛ́ dí mǎ nyɔ̌ á dǐ, ɛ́yə́ ɛ səní ɛ púl ɛ́ mín ɛkɔʼ ɛ́yə́ ɛ́ dí wə̂ á dǐ? Yán ɛ tiŋgání ɛ pɔŋ mǎ nyɔ̌ nána wə̌ mú n fúl mɔ́ ɛputáʼ ɛ́yə́ ɛ́ dí mɔ́ á dǐ, ɛ́yə́ ɛkɔʼ ɛ́ díní wə á dǐ?

Nyí nûŋ púndá na balakuwa-bá-mudî bá matúm. Wə̌ti ɛ míní bɔ́, bá dí pǐ ngə mílɔŋgi, ndé átinə́ m bɔ bá kaŋ ngə mbɛ. Nyí yə̌mb ɛ́ bú ɛ́ bâ ɛ́yə́ bá díní á misam ámə́ bá bwəní. Nsínjí n tíŋganiyǎ ɛ́ yɛ́ bipum bí músálúwə́? Tɔ ɛju ɛ́ wúshá ɛ́ tíŋganiyǎ ɛ́ yɛ́ bipum bí fík.

Nâ pə́ bwə̌ ábə́ bú kɔ na nkfu m mbâ wú yɛ́ bipum bí mbâ. Ndé bwə̌ ábə́ bú sə̌ ɛ́ kɔ na nkfu m mbâ wú sə̌ ɛ́ yɛ́ bipum bí mbâ.

Bwə̌ wú mbâ wú tíŋganiyǎ ɛ́ yɛ́ bipum bí bî. Bwə̌ wú bî wú tíŋganiyǎ ɛ́ yɛ́ bipum bí mbâ.

Bwə̌ tɛ́ ábə́ wú sə̌ ɛ́ yɛ́ bipum bí mbâ, nwɔ́ŋ a ndfukú á kfwə bɔ́, a shwá bɔ́ á mwǐ átin.