I Versetti Biblici più popolari da Mátyo 13

Condividi

Mbuta ɛyə̌ ɛ kfúndí á ndɔ́ʼ ɛ mbâ ɛ̌ lúfú baʼ ábə́ wə̌ti bá wúkí ɛyala ɛ́ Dyǔ, bá sɔ́ntán yɔ́. Baʼ á bâ bá bwə̂ misam mí mbâ ngə bilɔŋ bí ngvwi ábə́ bí wɔ́ŋí mbvum mbúki, mûm ntyǔ na mûm málán.”

Mbuta ɛyə̌ ɛ kfúndí á mídfvúngú átin, ɛ́ lúfú baʼ ábə́ bá wú ɛ́yala ɛ́ Dyǔ, ndé á shú, mutakaʼ mú nkínshíyə na sə́m ɛli wɔ́ŋ wúdi ɛ̌ tfúl bɔ́ milə́m á libum. Ɛ́yî ɛ́ bwə bɔ́ bá sə̌ ɛ́ púl ɛ́ bwə mísam mí mbâ.

Njí mɔ a wúkí ɛyala tɛ́ŋgɛnɛ wudya wú Dyǔ, ka a si sɔ́ntán yɔ́, Sátan ǎ paʼ yɔ́ ɛ fúl á nlə́m m mɔ. Ɛbú ɛ́ baʼ ɛ́yî, ɛ́ dí ngə mbuta ɛyə̌ ɛ́ kfúndí á nji ámǐn.

Mbuta ɛyə̌ ɛ kfúndí á malɛ́ átin, ɛ́ lúfú baʼ ábə́ bá kásí ɛyala ɛ́ Dyǔ na munyɛŋgɛ jǐta ngə bá wúkíní yɔ́ áfâ áshí áshí. Ndé ɛyala ɛ́yî ɛ́ kwíliyǎ bɔ́ á mílə́m. Bá dúbɛ́ yɔ́ á mǎ púndá, ndé wə̌ti ndutu na mutaka m pílí á ɛ́tútú ɛ́ ɛ́yala ɛ́yî, bá pámí wə́ ɛ́ dfvǔl nyǔ ɛ́ bɔ á mbís.

Yésuwə a bándí ŋganú ɛpə́pə̌ nána, wudya wú Dyǔ wú dí ngə wudi ábə́ bá kɔ́ŋgɔ́ní a ndfukú átin. Ngə mɔ nfɔ́ a dibíní bɔ́, a kfútí bɔ́. Munyɛŋgɛ ámə́ m bílí mɔ́ á nlə́m, m bwə́lí mɔ́ a kǐ ɛ súm byə̌m bí mɔ bísə́sə̌n ábə́ a ŋ wɔ́ŋí álí kə̌ ɛ́ yǎn ndfukú ɛni.

Ndé duŋgu lí mbuta lí kfúndí á ndɔʼ ɛ mbâ. Mbuta ɛ́yî ɛ́ kə́kí ti ɛ yɛ́. Duŋgu lí bilɔŋ bifɔ́ bí wɔ́ŋí mbvum mbúki, duŋgu mûm ntyǔ, duŋgu líní ká mûm málán.”

Nyí máku ngvwi na kaʼ-a-susum bá kɔ́lɔ fǔm bufɔ́ kə́ŋ ta á púndá ɛli páʼ. Á púndá ɛni, yɔ̂ m pɔŋní baʼ ábə́ bá páʼ nána, bá kɔ́sɛ ɛ wubí kaʼ-a-susum, bá lâʼ yɔ́ fǔm bufɔ́, ti bá wɔ́kí. Á mbís ɛ púndá yɔ́ bá pání ngvwi, ti bá fílí á ɛ́táʼ.”