I Versetti Biblici più popolari da Ibru 12

Condividi

Yoba okna ibo pre mediglkwa i, mere kide mogl, nono mogl winabo didre, pre medramga mabuno i, i nogugl ede noriko, kamga. Yegl pre nono adigl gigledi mogl, God nono resis ta eraiglmedi padigl norukwa i, ere kodinamga paugwa. Taragl ta nono resis mina muku di dinaiglmedi erabuka taragl i, nono kide kodidre, tadaglme mabuno kigln mere yegl kogl paugwa i, nono si dinamnedi eramga paugwa. Te, nono kan Jisas moglmara swara iro edidre, muku dinamga paugwa. Nono pre medramga i, Jisas mabuno moglsre, ere kodinabuka ama moglkwa. Jisas okuo gun podo yenagledi prukwa pre ye agai podo goglsre, ede prak mina gorabuka i, siragl kebra yomedi pra we dugwa. Pra we didre, erme God ogo wo kra ame di moglkwa.

Ana God nono ta ere si di yugwa igne, nono deno muduno yubun dogo, kide prumga. Kide prumga ba okuo, nomane wakai imga. Nomane wakai idre, mabuno du bogl munga igne, deno muduno wida dugwa.

Ana ene yoba mudu bogl deno muduno swara yenamnedi ersre, mabuno du panabuka i, duglo boramnedi erio. I siragl pre yoba mabuno du duglo bogl moraiglkwa yobamo i keme, ye Yagl Kade kan pogl sinaiglkwa.

Ana Jisas okna erumere i, ene poglo di prio. Tadaglme yoba ere mogl, Jisas kudamo ikne kaima moramnedi erikwa ba Jisas adigl gigledi mogl, pre wige erukwa. Ana Jisas erukwa i, ene poglo di pre meglbi, ene deno muduno mina oglka ta erekran, adigl gigledi moraiglkwa.

Ana nono ede suna umgo, God nono kingno moglsre, suglno moglmara dumo i, ta piga dinan, kuno erekrabuka. Dumo i aimadi kamin yei pai morabuka pre nono God di wakai yei tenamga paugwa. Te, nono ye kuduglmo goglsre, ye pre i mitna ede, yene wakai ta kanabere mere ye kogonmo ere tenamga paugwa.

Ana yubun ta ene meglmara unabuka igne i ene praiglkwa, God no mabunono ake du edenagledi erumedi prisre, adigl gigledi molo. Siragl pre God ene kanugwa i, na gagrama kra meglmedi kandre, ene ere si di yugwa. Ana nono kamga, nenoma mudu meglkwa i, ye gagroma ere si di igwa.

I siragl pre nono Godno moglkwa i, doga ta taragl kane kane de tege erumere mere yegl, ye yobuglomo podo kide yegl paugwa pre nono ye kuduglmo goramga paugwa.

Nenoma makandigle meglkwa i, ye yene wakai primere, ege sugunagle nono mabunono ake du edinamnedi erikwa ba God nono ka kaima wakai moraiglmedi erukwa. Ye nono si ake du edenan, nono ye yoba du moglmere yegl moraiglmedi pre mabunono ake du edugwa.

Tadaglme mabuno no si atne ede dinabedi ene kuda mere yegl beglkwa ba ene kuda bogl pi bormaino suru edenaiglkwa pai moglkwa pre ene oglka ta erekrio.