I Versetti Biblici più popolari da Ni been ree apóstoles 2

Condividi

Dxel rëb Bëd loj reeman: ―Gol bayagbee xtolidi, gol badxiꞌ tëë lojdi loj Dios, gol gurobnijs por xguialrniabee Jesucrist din gac xtolidi perdon, zian chuꞌ xSprijtaman luxdoodi.

Graczi reeman binal ni balüü ree xi apóstoles Jesús laa reeman, gubajnnë lasaꞌ reeman zagdxe, gurejdx gunab reeman Dios abiꞌ radoꞌp reeman persi raw reeman guiadxtil tijbzi ziꞌc gunabee Jesucrist güün reeman.

Zianz guyu xSprijt Dios luxdoo graczi reeman, dxel guzuloj canee reeman diidx ren ree ziꞌc cusnee Sprijt guin laa reeman.

Dxejlczi gojc naquieꞌ xanyabaa ziꞌc bidoxh xt bayu bi lënü lod rigaꞌ reeman, abiꞌ gulentie ziꞌc bajl dobëz ree, biguiajt reen guijc tijb gaj reeman. Zianz guyu xSprijt Dios luxdoo graczi reeman, dxel guzuloj canee reeman diidx ren ree ziꞌc cusnee Sprijt guin laa reeman.

Guixie guixie radoꞌp reeman lën yadooroꞌ Jerusalén, dxel raguiaj reeman lidx xcompniar reeman rtaw reeman, dád nix yuꞌ luxdoo reeman rën tëë lasaꞌ reeman, ruzaꞌt reeman Dios zagdxe, guiáad gra bejn guyën laa reeman. Guixie guixie ragnë Dios din gacxhiej mazri bén rliladx Jesucrist, persi gojc xtol reeman perdon.

Na Dios, guidxin dxej gaxhal da Sprijtan luxdoo gra ree bejn, abiꞌ xiꞌndi xinguiaaw con biingunaa gudëëd reex da diidxan, zien ree ni gulüüloj loj ree xinguiag, guiáad ree bengol zien ree ni guinieꞌxchaal reeman.

Graczi ree bén bililadx Jesucrist gubajnnë lasaꞌ zagdxe, rguiꞌs tëë ni rajp reeman loj lasaꞌ reeman. Rutoꞌ xguidxliuj reeman në gra ni rajp reeman, persi rguiꞌs reeman milia guin loj lasaꞌ reeman ziꞌctzi na̱j ni riaadx tijb gaj reeman.

Abiꞌ graczi ree bén cwedx guiniab laaman güünman laa reeman perdon.

Guicajy loj gubijdx, guiáad bëëw yayajcan ziꞌc rejn. Chi ma gojc zian, dxel guidxin quijb dxej guin, dxej zaꞌcdxoon guiꞌt Dios bén rniabee, dxej guiguien guidib xbianiman.