I Versetti Biblici più popolari da Umatiu 13

Condividi

Itọng angi i mbu wu he itang inunung i yi na bendi abe be gyo kisọm, ki nung abe. Be ba le lifem li kwa na aten angi a shi itọng asi adyọng, asuso itọng asi akie, asuso lisi le ngi lihwo go hwo na angi be ma kwan.”

Angi i mbu wu he kipi ítọng i yi, i yi na bendi abe be gyo kisọm gyo-gyo, ufung awa-ale angwu gbe le biwọm abi he igye anyin le benyin bingbeb bi gwu kisọm ashi be gyo, be tem shi ashi ye.

Itọng angi i mbu wu he ubi-kukwo i yi na bendi abe be gyo kisọm ashi gbe le kiteng kusu Unim, ki nung abe ye, usu bibibi, u ba kpa kung kisọm kigyang le ha abe atyam.

Itọng angi i mbu wu he utie-ukọ i yi na bendi abe be gyo kisọm Unim be kpe shi le igọ, ukpọ ki ngwee ha abe atyam ye likọye be yi faale idaa. Be bọng ha Unim he kanwaa kunyọng zang. Gbe be kpe kingie likọye be bọng ha kisọm kimen i, be wee abwo nya kukwo-kukwo.

“Kiteng kusu lifung-atabe ki mbee yi na kiwọm ashi ki kaa kate ashi ki yi ndyel he kupung. Gbe undi a gia ashi, u tyang ashi ndyel ha. U gbe le ha le igọ le kung biwọm bima puu abi u yi le bi ndyeb zi, u tem le ndyeb kung kupung kumen ana.”

Itọng isuso i mbu wu he itang inunung. I mbi, i kaa shi itọng. Aten asuso a shi itọng asi adyọng, asuso itọng asi akie, asuso itọng lisi le ngi lihwo go hwo angi be ma kwan.”

Ma tyang abi bi kaa utung-utung kpam nyọng liti angi be tam. Mi ba da bendi abe be tam le be nam abia ha kushu, gbọng angi bwọ abwọ-abwọ ting-shi kinde. Be ha tam iwit angi inunung fe-m he abel.’ ”