I Versetti Biblici più popolari da Matayu 5

Condividi

Kwahela wandu wanguwesa kukosa taa na kugubika kwa lidebi, ila wanguvika kunani kindu kya kuvikila taa ili iwesi kuwalangasila wogha wa mlighuta. Hilahila, mhana wa mwenga ulangasi kuulongolo gha wandu, ili wapati kulola matendu gha mwenga maha na wawesi kumyinula Tati wa mwenga wa kundumba.

“Mwenga ni mhana wa mlima wogha! Mmbwani uchengilwi kunani gha litumbi uwesa ng'ogha kuhighwa.”

“Watewela na luheku wala wogha weni mioyu maha. Kwaikiva watemlola Sapanga.”

“Watewela na luheku wala wogha weni kuwela na njala pamonga na kuyumilila kwaikiva gha kumuyitikila Sapanga. Kwaikiva wateyukutiswa.”

Ila nenga ninguwalongela, muwapali wahakata wa mwenga na kuwayupila wahakata wa mwenga na wala wanguwahakila mwenga

“Watewela na luheku wandu wogha wangupala kummanya Sapanga kungalilu ghao. Kwaikiva unkosi wa kundumba ni kwaikiva gha weni!”

“Watewela na luheku wala wogha weni kuyegha kuponga. Kwaikiva hagha watekemwa wana wa Sapanga.”

“Watewela na luheku wala wogha weni kunyengemala. Kwaikiva watahekeleswa.”

“Watewela na luheku wala wogha weni kughola vila angupala Sapanga. Kwaikiva unkosi wa kundumba ni waweni,”

“Watewela na luheku wala wogha weni luhungu, Kwaikiva watewonelwa luhungu.”

“Mtewela na luheku mwenga wandu pawawalighu, pawawapokola na kuwakupikila kila ndambu gha uhakata kwaikiva gha nenga.” Mhekeleli na mkuwi na kilulu kwaikiva hupo zyenu ni ngulu kundumba. Havi ndiwa wawahakilile walota wa Sapanga haku dahile.

“Watewela na luheku wala weni kuyitikila. Kwaikiva watelihi mlima.”

Yesu akalonga, “Mwenga ni munyu wa mlima wogha. Ila munyu pauyalamisa unogha ghaki, mteghola niki inoghi? Utetutanga ng'ogha chochosi, ila kutagha panji na itimbangwi na wandu.”

Hinu, mngupalwa machuwa hyogha muweli mtimila handa Tati wa mwenga wa kundumba vila kahela ulepelelo wowosi .

“Hina” mwenga, iweli “Hina” na “Katu” iweli “Katu” Kyokyosi kipiti hagha kinguhuma kwa yula mhakata.

“Mhyoghanila yiwa ilongilwi, lisu kwa lisu, linu kwa linu.” Ila nenga ninguwalongela, mkotoho kumuhuyisila mundu mahakata. Na mundu paakubakula nganja lya kuliyila, umghalambulile na lya kushotu.

Hinu, paikawela lisu lyako lya kuliyila lingukughola ugholi mahakata ulitupuli ukalitagha kutali. Mbaha wenga kuyaghamila kikongonu kimonga kya higha ghako, kupiti higha ghako hyogha kutaghwa kulyoto lyeni kujimika ng'ogha. Na ikiva liwoku lyako lya kuliyila lingukughola ugholi uhakata, ulidumuli na ukalitagha kutali. Mbaa kwa wenga kuyaghamila kikongonu kyako kimonga kya higha ghako, kupiti higha ghako hyogha iyendi kulyoto lijimika ng'ogha.