I Versetti Biblici più popolari da ọMarkus 13

Condividi

Tuhuan enii ọtraan ma unu kẹ ọsablọ ọntua mi. Tushin anushin anuam kan lẹ ọplẹ nii ukon ufuwo.

Unu kon aklọ, kẹ unu ywua lẹ ọnzọ! Kẹ ọsablọ shin unu za unu ẹlẹn shin e nii ọba wan.

Inshin afrẹ unu kẹ kpọn unu kan lẹ ẹmpakye iywuro, kalẹ unu rẹn ẹhurẹ unu ọnkyẹ shin unu nii utoo wan, unu too ọkyẹ shin Ọnọm nii utoo unu kẹ ẹladran, kẹ ọsablọ shin kyẹ unu ma ọpiya onyun man, Iri Ẹsẹẹ ya.

Aprẹmẹn kẹ ẹbọn nii ukpon kan wọ, bọ aprẹ mi nẹ nii ukpon kan yọ wan.

Bọ anushin a za ọnlẹghẹ kẹ aprẹ aywuẹ lan huọ ẹlẹn ma, alọ za ghan ma, huọ atuwan ghan kẹ aprẹmẹn, huọ Arẹn, sẹ Ekye lẹhulẹ.

Ẹlẹn shin unu akọọn aprẹ ọhuẹn ọna kẹ ihyuu ọhuẹn ọna, kalẹ ẹhurẹn kpa yọ wan. Ẹplẹpan ya imi too unu nẹ, ọnkyẹ lẹn nii ọba, tushin ọplẹ aywuẹ sọ nya ọba wan

Ọklan wọ unu ywua lẹ ọnzo, kẹ ọsablọ shin unu ọza unu ẹlẹn shin Ekye Abaan nii uywure wan, a yọ uywure lẹ anlẹ, huọ erete otu, huọ ẹlẹn shin anọọ nii ọshee, huọ lẹ oturombun. Kalẹ a ba lẹ akprap kẹ awa okon unu huọ na ọna ma. Tuhuan ọnkyẹ shin Imi otoo unu, Imi huọ otoo ada lẹ ididu: Unu ywua lẹ unu ọzọ.

Ọmbọn nii ọhuẹn ọnaa kẹ eple, tuhuan Ọngọn kẹ Ọngọn. Ẹbọn nii ọnighẹm kẹ ẹnhuọ lẹ ampam, tuhuan ẹwọn nii uso lakẹnkan. Tushin ọtẹkpa ẹva yẹn.

Tushin ohun kẹ balẹ ọlau, e nii utoo ididu ọmbọn ohun nẹ aprẹẹ esheshii lẹn.

Enyi ọnpam nii ọba lẹ ọntua mi, lẹ otoo shin, “Imi nga inso uKristi”. Tuhuan enii uwu ana ọmpam.

Unu frẹ akyuẹ unu: e nii ọfrẹ unu kẹ ama anaa iywuro, tuhuan enii ọken unu kẹ unkoo ọpẹlọnọm, tuhuan unu nii ọ tẹgha kẹ ekye ana ọga ẹbọn kẹ Agọn kẹ ọsablọ Imi, kẹ unu too ọnkyẹ shin unu za.

Sablọ shin uKristi ọntẹ kẹ onu ọntẹ nii utro, kẹ odu ọnkyẹ ankpẹ kẹ ọmẹ ọvrọ, inshin o kon epin enii uwu anushin ewue.

Tushin ẹlẹn shin aywuẹ ishim lan kpon kọ, Ọnọm ọsaan nẹ nii ukye itum, tuhuan ọprẹn nii wọ ma ọsẹẹ wọ wan, arẹn unkin nii ukple bi kẹ aprẹmẹn, tuhuan enii ọnighẹ ọnkyẹ ọndrọndọ ọma aprẹmẹn.