I Versetti Biblici più popolari da रोमियो 13

Condividi

बल्कि परभु यीसु मसीह रै स्वभाव नै धारण कर लौ, अर सरीर री इछाओ नै पूरी करणै में मती लागयोड़ा रैवौ।

आपसी परैम रै अलावा किणी रौ करज अपणै ऊपर मत राख, क्यूंकै जिकौ दूजौ ऊं परैम राखै है, वो इण तरैह व्यवस्था नै ही पूरी करै है।

हरैक मिनख अधिकारियों रै अधीन रैवै, क्यूंकै कोई अधिकार ऐड़ौ कोनीं, जिकौ परमेसर री तरफ ऊं कोनीं है। अर जिकौ अधिकार है, वो परमेसर रै ठैरायोड़ा है।

रात घणी बीत गी है, अर दिन निकळन वाळौ है। इण वास्तै म्हौ अंधारै रै कांमां नै त्याग नै, उजाळै रा हथियार बांध लौ।

परैम पड़ोसी री कीं बुराई कोनीं करै, इण वास्तै परैम राखणौ व्यवस्था नै पूरी करणी है।

इण वास्तै हरैक रौ हक चुकाया करौ। जिणनै लगान चाहीजै, उणनै लगान दो। जिणनै चुंगी चाहीजै, उणनै चुंगी दो। जिण ऊं डरणौ चाहीजै, उण ऊं डरौ। जिणरौ आदर करणौ चाहीजै, उणरौ आदर करौ।