I Versetti Biblici più popolari da 1 कुरिन्थियो 6

Condividi

कांई थै कोनीं जांणौ की थौरो सरीर पवितर आतमा रौ मिंदर है, जिकौ थौरे में बसयोड़ौ है अर थांनै परमेसर री तरफ ऊं मिळियौ है? थै खुद रा ही कोनीं हो। क्यूंकै थांनै दाम देयनै मोल लियोड़ा हो, इण वास्तै अपणै सरीर रै जरियै परमेसर री महिमा करौ।

कांई थै कोनीं जांणौ की अन्याव करणै वाळा लोग परमेसर रै राज रा वारिस नीं होवैला? धोखो नीं खाओ, नीं व्यभिचारी, नीं मूरती पुजारी, नीं पराई लुगाई खनै जावणौ, नीं मिनख मिनख रै साथै। नीं चोर, नीं लोभी, नीं पियकड़, नीं निंदा करणैवाळौ, नीं धोखेबाज परमेसर रै राज रा वारिस होवैला।

व्यभिचार ऊं आगा रौ। जितरा दूजा पाप मिनख करै है वे सरीर ऊं बाहर है, पण व्यभिचार करणैवाळौ आपरै ही सरीर रै विरोध पाप करै है।

सगळी चीजों म्हारै लियै वाजिब तो है। पण सगळी चीजों फायदे री कोनीं। सगळी चीजों म्हारै लियै वाजिब है। पण म्हैं किणी बात रै अधीन नीं होवूंला।

परमेसर आपरी सामरथ ऊं परभु नै मरयोड़ौ में ऊं जिलायौ, इण तरैह अपांनै भी जीवता करैला।