I Versetti Biblici più popolari da Romiól 11

Condividi

Kiyólla-hoilé hárr kessú toh Íba ye éna foida goijjé, aar híin beggún ṭiki asé de Íbar zoriya edde Íba lla. Íbar taarif abadulabad ówat tákouk. Aamin.

Allar dón-doulot hotó bicí! Íbar giyan edde buddí hotó mur! Íbar fáisela re buzí fara no zah. Íba ye ziín goré híin buzí faribár raá nái.

Pak-kalam ot toh endilla asé, “Hone Mabud or báfani re zani fare? Íba re mocuwara dibar laayek hon asé?”

Borabor héndilla, ehón or októt Boni Isráil or hodún manúc tákigiyoi, zetará re Alla ye rahámote basí raikké. Aar híyan zettót rahámote, tóoile híyan toh honó amóle no; zodi amóle óito, tóoile toh rahámot ar rahámot no tákito.

Dóro, ek zaitun-gas ottu kessú ḍéeila ókkol báñgifela gíyeh, aar híin or zagat maze tuáñra jonggoli zaitun-gas or kessú ḍéeila ókkol ore zuradiya giyéh, aar asól zaitun-gas or cíñyor ottu roc ṭani loor. Hétolla tuáñra nizoré nize hé ḍéeila gún or túaro barík bóuli no ṭáariyo, zodi ṭáaro, monot rakíyo de, tuáñra cíñyor ore ṭikai rakór de no, bólke tuáñra re cíñyore ṭikai rakér deh.