I Versetti Biblici più popolari da Luke 8

Condividi

ဖောင်းခေါင့်(ဝ်)အောင်းချားတိုခနောဝ်းအော်နီးဝါလ အောင်းနှုတ်ကပတ်တော်တလားလေ နယ့်ဟဉ်းဆီ နီးနီးငမ်းငမ်း ခနောဝ်းစောဝ်းဝိုင့်ဝိုက်ဟင်းဝိုက်။ နောက်လောင်နော့် မနော်လ မောက်မွန်းမတ်မွန်းလေ မောက်ဟင်း၊ မတ်ဟင်းမားကော်ဝိုက်။

ဖောင်းခေါင့်(ဝ်)အောင်းချားတိုခနောဝ်ယွန်း(မ်)ကော်ဝါလ အောင်းနှုတ်ကပက်တော်တလားလေ နယ့်ဟဉ်းလက်ခမ်မေကော့် အောင်းချမ်းသာ၊ အောင်းနယ့်အူနီးအူငမ်းလေန၊ လောဘလေနမ်ညော့ အောင်းနှုတ်ကပတ်တော်တလားလေ မေနောကော့် တော်ပေါနမ် မဟေဟင်းဝိုက်။

ဖောင်းခေါင့်(ဝ်)အောင်းချားတိုခနေကောင့်ဟဉ်ဝါလ အောင်းနှုတ်ကပတ်တော်စောင့်ဖလားလေ ချရှ်ချန်းနယ့်ဟဉ်းကော်လော့် စွုမ်းဆီ လက်ခမ်ကော်ဝိုက်။ တော်နယ်ကော့် ဟတ်မွန်းမကွန်း(မ်)လော့် ဟူဟူမခမ်ဝိုက်။ မနော်လ ရီအောင်းနဲဟော် လက်ခမ်ပဲ့ဟောဝိုက်။ ဘဝမနော် အောင်းယပ်လေ၊ အောင်းကြမ်းလေတောင်း ပေါခေါက်(ပ်)ကော်လော့် ချရှ်ချန်း တလားဟိုက်လေန ဟိုင်ကော်ဝိုက်။

နောက်လောင်နော့် မွန်းစောင့်လ အောင်းတပဲ့မွန်းလေ "အောင်းမဆူယွန်(မ်)န အဟောင်း"ဆီ ထန်(မ်)ကော်ဝိုက်။ တော်နယ်ကော့် မနော်လေန အိုက်အမ်းဟင်းကော်ဝိုက်။ မနော်လေန "ကွန်းဟောန့်လ ဖောကျေ့" "လှိုင်းတောင်းလုမ်းလေကိုသကော့် နောင်မွန်းဝါညော့ နယ့်ဟေစောင်း(မ်)ဟင်း"ဆီ အချန်းချန်း ဝါဟင်းဝိုက်။

ဖောင်းခေါင့်(ဝ်)အောင်းချားတိုရာနာ့ခွန်တန်းန အောင်းနှုတ်ကပါတ်တော်စောင့်ဖလားလေ နယ့်ဟဉ်းဆီ ခဝါဝိုက်။ တော်နယ်ကော့် မာရ်နတ်တ မားဆီ အောင်းမနော်ယွန်(မ်)လေ ဟပေါပျတ်ဆီ အောင်းကယ်ဟပေါမနယ့်ခမ် ဆီမေခနောဝ်စောဝ်မနော် အောင်းနှုတ်ကပတ်တော်စောင့်ဖလားလေ မားဆွဲအောက်ကော်ဝိုက်။

တော်ပေါမဟု အောင်းလောက်ဆိဉ်ဝိုက်ဝါလ မရောင်း။ လျှို့ဝှက်ချက်အောင်းမဟုပဲ့ဝါလ မရောင်း။

ကော့်ယဉ်းဟောန့်ကော့် မအူပဲ့ကော့်ဆီ ရာခနာ့စောင့်ယေရှု တောင့်(ဝ်)ခေါင်(ဝ်)ဆီ မွန်းထိကော်နွေ့ဆပ် ရောဂါမွန်း ချရှ်ချန်းကော့် ဟိုင်ကော်ဆီ အောင်းကွန်းတောင်းလုန် လော်(ဝ်)ပြားကော်ဝိုက်။ မွန်းစောင့်ကော့် အောင်းကော့်ယဉ်းဟိုက် "အစောင် မောနီးကော်လ ကောပ့်မောယွန်(မ်)ညော့ စောင့်ဖလားလ အောင်းစမော ဟငြိမ်းချမ်းကော်"ဆီ ဝါကော်ဝိုက်။

ကောပ့်နယ့်ညော့ မနော်လ အောင်းစောင့်ယေရှု ပုတ်ဆီ "စောင့်၊ စောင့် ဟောတနယ့်နေ့နမ့်ကော့်"ဆီ ဝါကော်ဝိုက်။ မွန်းစောင့်ကော့် ဆီမေနွမ်းလ လုဆီ အောင်းလေမုန်တိုင်းတောင်းအောင်လိုင်းလုန်လေ ဟပေါရပ် ဟောင့်(ဝ်)အမိန့်ကော်ဝိုက်။ မေနယ့်လော့် လေမုန်တိုင်းတောင်းလိုင်းလုန်လေန ရပ်ဟင်းကော်ဝိုက်။