ယတဆိကမိၣ်နဲၢ်နဲၢ်ယသးလိ ယကြၢးယဲဘၣ်ယဲလိ ယကဟဲလိနအိၣ်လိ. ယနီၢ်ကစၢ်ဒၣ်ယဲဘၣ်. ထဲမၢလီၤနကလုၢ်ဘျီးယခ့ယပှၤကသါမါထီၣ်ဂ့ၤဝဲဒၣ်လိ. ယဲဒၣ်နဲၢ်နဲၢ် ယမဲၢ်ဘၠီၣ်တဂၤလိ အဘၣ်တၢ်ပၤလီၤယၤလိ သူးခွိၣ်အလီၢ်အလၤဒွိၣ်နဲၢ်ယၤတလိၣ်အဖီလၤ, ဘျီးယအိၣ်လါသုၣ်ဖွိလိယဖီလၤတလိၣ်လိ. ယစံးဘၣ်အဝဲတဂၤနဲၢ်, ‘လဲၤတကဲၢ်’ ဘျီး အဝဲဒၣ်လဲၤဝဲလိ. ဘျီး အဂၤတဂၤနဲၢ်, ‘ဟဲတကဲၢ်.’ ဘျီး အဝဲဒၣ်ဟဲဝဲလိ. ဘျီး ယစံးဘၣ် ယကုၢ်ယပှၤ, ‘မၤတၢ်အဝဲအံၤတကဲၢ်’ဘျီး အဝဲဒၣ်မၤဝဲလိ. ယ့ၣ်ရှူးကမၢကမၣ်ဝဲဖဲ အနၢ်ဟူဘၣ်တၢ်ကတိၤအဝဲအံၤလိ. အဝဲဒၣ်ဃၣ်တရံးအသးဘျီး စံးဘၣ်ဘၠီၣ်ထီဖူၣ်ထီခၠၢလိ အပိၤအခံတလိၣ်, ‘တၢ်နၤဒ်အံၤ အသိးနဲၢ် ယတထ့ၣ်နိၤဝဲ နီတဘျီဘၣ်. ယစံးဘၣ်သု, လိ ဘၠီၣ်အံၣ်စရ့လးဖွိအကျၣ်ဒၣ်လဲာ်, ယတထ့ၣ်ဘၣ်.’