I Versetti Biblici più popolari da Ubwandilo 37

Condividi

Isiku limo u Yosefu akalota ichilota, nukubabuzya abawamwabo bache nizya chilota chache chicho akalota, po bakamubenga nkani.

U Yakobo akamughana nkani u Yosefu ukuchila abana bache bosi, pachifukwa ichakuti akapapiwa bo u Yakobo mughosi nkani, sona akamusonela inkazo iya nyobe intali.

Loli bo abawamwabo bennya ukuti amughanite nkani u Yosefu ukubachila abene, bakamubenga, sona batakanena nawe nachimochimo mumutende.

Po u Yosefu akalota ichilota ichinji nukubabuzya abawamwabo ukuti, “Mwebaya mwee, ivwa kuno, ichilota ichinji, indotite ukuti izuba nu mwezi, sona ni ntondwa 11 zikunfughamilila.”

Abawamwabo bakanda pakumubikila akabini akakulu nkani. Loli uwise akendelela pakwinong'ona.

Akababuzya akati, “Mwebaya mwee, ivwa kuno, ichilota chicho nalotite: Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Zagha tumughoghe, umuvimba wache tughusumbile muchiliba, po tukwiza pakunena ukuti ichinyamana chamulema, po tukwiza pakwennye ukuti ichilota chache chikung'anamula ichoni.”

Bo abaghulizi aba ku Midiyani biza palapala, abawamwabo bakamufumizya kuzi u Yosefu nukumughulizya kwa Ishimayeli ni ndalama izya siliva izyakukwana 20, po bakabuka nawe ku Ijiputi.

Bakanenezyannya bakati, “Unavilota uyo akwiza!

Abawamwabo bala bakamwenezyapo pabutali bo achili nkani nukuti afike papipi nabo. Bakanda pakubatika ukuti bamughoghe.

Mutakunyila ibanda nalimolimo, loli mumusumbile muchiliba ichi chicho chili munkolongo tutakamuvulazye napo panandi.” Akanena zinizi bo akubatika ukuti amupoke munyobe zyabo nukumutuma kwa wise.