I Versetti Biblici più popolari da መተ 1

Condividi

ሄሳፈ ስምን፥ ፆሳይ፥ “አሰ ኑና ዳንስድ አነ መኦስ። ኤንቲ አባ ሞሉዋ፥ ሳሎ ካፎታ፥ ቢታ ቦላ ዎፅ ቃፅያ መተ ኡባ ሃሮ” ያግስ። ሄሳዳ ፆሳይ አሰ ባና ዳንስድ መስ። እ አሰ ፆሰ ዳንስድ መስ፤ ኤንታ አደነ ማጫስ ኦድ መስ።

ፆሳይ ኤንታና፥ “የለትተ፥ ዳርተ፥ ሳአ ኩምተ፤ ሃርተ። አባ ሞሎ፥ ሳሎ ካፎታነ ቢታ ቦላ ዎፅ ቃፅያ፥ ደኦይ ደእያ መተ ኡባ ሃርተ” ያግድ አንጅስ።

ፆሳይ ኮይሮ ሳሎታነ ሳአ መስ።

ሄ ዎደ ሳእ ጊጎናነ አይብካ ባይና መላ ደኤስ። ም ቢታ ማእዳ ዎልቃማ ሃታ ቦላ ደኤስ። ፆሳ አያናይ ሃፈ ቦላራ ቃፄስ።

ሄሳፈ ጉየ፥ ፆሳይ፥ “ፖኦይ ሀኖ” ያግን፥ ፖኦይ ሀንስ።

ፆሳይ ባ መዳ ኡባባካ ፄልያ ዎደ ዳሮ ሎኦ ግድዳይሳ በእስ። ሳእ ቃምስ፤ ዎንትስ፤ ሄስ ኡሱፑን ጋላስ።

ፖኦይ ሎኦ ግድዳይሳ ፆሳይ በእስ፤ ፖኡዋ ማፐ ሻክስ።

ሄሳፈ ጉየ፥ ፆሳይ፥ “ታኒ ቢታ ኡባ ቦላ ዘረ አይፈይ ደእያ ካ ኡባነ ዘረ አይፈይ ግዶን ደእያ ም ኡባ ህንተዉ እማስ፤ ሄስ ህንተዉ ካ ግዶ።

ፆሳይ ፖኡዋ፥ “ጋላስ” ግድ ሱንስ፤ ቃስ ማ “ቃማ” ግድ ሱንስ። ሳእ ቃምስ ዎንትስ፤ ሄስ ኮይሮ ጋላስ።

ሄሳፈ ጉየ፥ ፆሳይ፥ “ቦላራ ደእያ ሃ ጋርሳን ደእያ ሃፈ ሻክያ ሳሎ ጉፋንይ ሀኖ” ያግን ሀንስ።

ቃስካ ሀ ሳአን ደእያ መሄነ ዶአ ኡባስ፥ ሳሎ ካፎ ኡባስነ ሳአራ ጎሸትያ መተ ኡባስ ምያባ ግዳና መላ፥ ጭልኦ ምነ ማታ እማስ” ያግስ፤ ሄሳዳካ ሀንስ።

ሄሳፈ ጉየ፥ ፆሳይ፥ “ጋላሳ ቃማፈ ሻካናዉ ፖኦት ሳሎን ሀኖ። ኤንቲ ቃማ፥ ጋላሳ፥ ዎደነ ላይ ኤርሳናዉ ማላ ግዶ።

ሄሳፈ ጉየ፥ ፆሳይ፥ “ቢታይ ም ማታ ዶልሶ፤ ዘረ አይፈይ ደእያ ካነ ዘረ አይፈይ ግዶን ደእያ ም ዶሎ” ያግስ፤ ሄሳዳካ ሀንስ።

ፆሳይ ሳሎ ጉፋን ጊግስድ፥ ሳሎ ጉፋንፈ ቦላራ ደእያ ሃ ጋርሳን ደእያ ሃፈ ሻክስ።

ቢታይ ም ማታ እያ ቆሞን ቆሞን ዶልስስ። ፆሳይ ሄስ ሎኦ ግድዳይሳ በእስ።

ፆሳይ ናምኡ ግታ ፖኦታ መስ። አዊ ጋላስ፥ አጌን ቃማ ፖአና መላ ኦስ። ሄሳዳካ ፆልንቶታ መስ።

ሄሳፈ ጉየ፥ ፆሳይ፥ “መላ በሳይ ቆንጫናዳ ሳሎፐ ጋርሳን ደእያ ሃ ኡባይ እስ በሲ ሺቆ” ያግን ሀንስ። ፆሳይ ሄ መላ በሳ፥ “ቢታ” ግድ ሱንስ፤ ቃስ እስ በሳን ሺቅዳ ሃ፥ “አባ” ግድ ሱንስ። ያትድ፥ ፆሳይ ሄስ ሎኦ ግድዳይሳ በእስ።

ፆሳይ ኤንታ፥ “የለትተ፥ ዳርተ፥ አባ ኩምተ፥ ካፎት ቢታ ቦላ ዳሮ” ያግድ አንጅስ።

ሄሳፈ ጉየ፥ ፆሳይ፥ “ደኦይ ደእያ መተት ኤንታ ቆሞን ቆሞን፥ መሄታ፥ ሳአራ ጎሸትያ መተታነ ዶአታ ኤንታ ቆሞን ቆሞን ቢታይ ከሶ” ያግን ሀንስ።

ሄሳፈ ጉየ፥ ፆሳይ፥ “ደኦይ ደእያ ዱማ ዱማ መተት ሃን ዳሮ፤ ካፎትካ ሳአፐ ቦላራ፥ ሳሎ ጉፋንፈ ጋርሳን ፕራ” ያግስ።

ሄሳዳ ኦድ ኤንታ ኡባ መስ። ፆሳይ ሄስ ሎኦ ግድዳይሳ በእስ።