I Versetti Biblici più popolari da Байбихьи 24

Condividi

Цинги Ибрагьимил лагъас дугӀа гьабуна: «Я БЕТӀЕРГЬАН, дир хважаин Ибрагьимил Аллагь! Гьарула Дуда, жакъа дие икъбал насиб гьабе ва дир хважаинасул рекӀел мурад тӀубазабе!

Дица гьание ячӀарай ясалда абуни дур гӀертӀиниса лъим кьейилан ва гьелъ гьекъейин, дур варанабиги гьекъезарилин жинцаян жаваб кьуни, гьелдалъун бичӀчӀила дида Дуца дурго лагъ ИсхӀакъие бахӀарай тӀаса йищараблъи. Гьебмехалда дида бихьила Дуца рахӀму-цӀоб лъун букӀин дир хважаинасда!»

Цинги ИсхӀакъица Ривка ячана жиндирго эбел Сарал букӀараб чадиралъуе, ва Ривка гьесул лъадилъун лъугьана. ИсхӀакъие йокьана Ривка ва хварай эбелалъухъ рухӀел гӀодоцана.

Гьезулгун къо-лъикӀ гьабулелъул, Ривкада баракат лъегиян гьадинаб дугӀа гьабуна гьез: «Я нижер яц, гӀемерал наслаби лъугьаги дудасан ва аза-азар, анцӀаза-азар чи гӀеги гьезул! Дур лъималаз кверде росаги тушбабазул шагьарал!»

зобалазулги ракьалъулги БЕТӀЕРГЬАН Аллагьасул цӀарги рехсон, гьеде мун, дуца дир васасе гьаб ракьалъул ханааниязда гьоркьоса яс ячинарилан. Мун а дир улкаялде, дир гӀагарал чагӀазухъе, ва гьениса яче ИсхӀакъие лъади».