I Versetti Biblici più popolari da Apokalipsis 3

Condividi

Me sem po udar ta ikkarau; a vareko te asunela mo avazi ta te putarela o udar, me ka dau ande lete ta ka jau lea, ta vou manchar.

Me llanau so chere kai ni san ni sudro ni tato. ¡Mai sukar avilaia te avilana sudro o tato! A soke san maklome, ta ni san sudro ni tato, ka chadau tut katar mo mui.

Me dau pe sa gola kai voliu ta dukkavau len, goleke trudisao ta keisao.

Me llanau so chere; ta ttodem angla tu iek udar putardo kai niko nasti ppandel; soke ni san but zuralo a cherdan so ppenen me alava, ta ni ppendan kai ni pinllare mo anau.

Gua kai ka dobil ka dau le te besel manchar pe mo trono, gia sar me dobisardem ta beslem me Dadea pe leko trono.

A tu ppene: me sem barvalo, barvailem ta niso ni trubul man; a ni llane kai inai tut veselia ta san iek lakomo, chorro, korro ta nango.

Goleke soke kandian me alava me terpimake, i me ka arakkau tut kana ka avel o saiato katar o zumadipe, kai ka avel pe sa o sueto te aven zumade sa e llene kai zivin pe ppuv.

Me avau oma. Na muk so si tut, te na lel niko chi korona.

Goleke ttou sama ta lachar ogola ezgode kai si te meren, soke dikklem kai e ezgode kai chere inai chache angla o Del.