I Versetti Biblici più popolari da Svun Marcos 11

Condividi

Yech'o un chacalbeic, scotol ti c'usitic chac'anbeic ti Rioxe, mi j'ech'el ach'unojic ti chayac'beique, ta onox xavich'ic.

Ta melel chacalbeic, mi oy much'u chalbe li vits li'i: “¡Loc'an ech'el li'toe ba jip aba ta nab mi xute!”, Mi xch'unoj ti chc'ot ono'ox ta pasel li c'usi iyale, yu'un ono'ox ta xc'ot ta pasel.

Ti c'alal chac'oponic Rioxe, aq'uic ta pertonal ti much'u oy smul avu'unique, yo' xayaq'uic o ta pertonal yu'un amulic uc ti Jtotic Riox ta vinajele ―x'utatic yu'un ti Jesuse.

Itac'av ti Jesuse: ―Ch'unic ti oy syu'el ti Rioxe —xi.

Lic chanubtasvanuc, ja' yech iyal chac li'i: ―Ja' yech ts'ibabil ta sc'op Riox chac li'i: “Li jnae ja' snail sc'oponobil Riox scuenta scotol crixchanoetic ta sjunlej balamil”, Pero li vo'oxuque, c'atajem avu'unic ta snail ch'en j'eleq'uetic ―x'utatic.

Ti much'utic babee xchi'uc ti much'utic tijajtique, i'avan scotolic: ―¡Coltaoticotic! ¡Ich'biluc ta muc' ti much'u tacbil tal ta sbi ti Cajvaltique!

¡Ac'u ich'atuc ta muc' ti much'u tal spasotic ta mantal chac c'u cha'al ispas mantal ti jmuc'tatotic David ta más vo'nee! ¡Ich'biluc ta muc' ti jtotic Riox ta vinajele! ―Xiic.