I Versetti Biblici più popolari da Петрань васенце сёрмазо 5

Condividi

Весе эсь ризксэнк ды мелявксонк путынк-каинк Сонзэ лангс, эдь Сон мелявты тынк кисэ.

Ялатеке тыненк майсемс-пиштемс сави аволь кувать. Пазось, эрьва кодамо чанстень лисьмапрясь, тердимизь минек явомс Христос Иисус марто вейсэндямонк вельде Эсензэ пингеде пингень инексчинть. Сон Сонсь тынк кадык пурнатадызь-сэрнятадызь ды кемекстатадызь, кадык виевгавттадызь ды тейтядызь цидярдыцякс.

Уледе валдо превсэ, свал ванодо: тынк душманось, Идемевсесь, яки-азгонди пертьпельга ирныця лев ладсо ды вешни, кинь тензэ нилемс. Аштеде каршонзо а синдевикс кемемасонк. Нама, тынь содатадо: истят жо майсемат савкшныть печтямс-кирдемс тынк кемиця ялгатнененьгак весе масторонть лангсо.

Истя вана, сэтьместэ максынк прянк Пазонть виевдеяк виев кедензэ алов, ды аравтозь шкасто Сон тынк кепедтядызь.

Тынь жо, одтнэ, максынк прянк кемикуронь прявтнэнь кедь алов. Ды весе тынь сэтьместэ максынк прянк вейкенк-вейкенк кедь алов, кинь икелеяк апак покшкавтне. Сёрмадовкссояк истя ёвтазь: «Пазось моли прянь верьга кандыцятнень каршо, сэтьметненень жо Сон максы чансть».