I Versetti Biblici più popolari da Иоаннонь васенце сёрмазо 3

Condividi

Тиринь тякинеть! Миненек эряви вечкемс паро тевсэ ды видечисэ, аволь ансяк кельсэ-валсо.

Вечкеманть минь карминек содамо вана кода: Иисус максызе Эсь эрямонзо минек кисэ. Секс миненеккак эряви максомс эсь эрямонок минек кемиця ялгатнень кисэ.

Ванодо, кодамо ине вечкема казезь миненек Тетянть пельде: миненек максозь кандтнемс Пазонть эйкакшонь лементь, ды минь алкукскак Сонзэ эйкакшонзо! Секскак те масторлангось а содасамизь минек, эдь сон зярдояк эзизе содакшно минек Тетянтькак.

Кие совси пежетьс, се Идемевсенть эйстэ, эдь Идемевсесь совась пежетьс ушодксстонть саезь. Пазонь Цёрась саськак масторлангов самай те тувталонь коряс: Идемевсенть тевензэ педе пес яжамо.

Кияк Пазонть эйстэ чачозесь пежетьс а сови, эдь сонзэ эйсэ эри-ашти Пазонь видьмесь. Сон а совави пежетьс, секс мекс сон чачозь Пазонть эйстэ.

Бути парсте эриця ломанесь несы эсензэ кемиця ялганзо арасьчисэ ды ялатеке пекстасы седеензэ сонзэ эйстэ, сестэ сонзэ эйсэ кодаяк а эри-ашти Пазонтень вечкемась!

Эрьвась, кие топавты Пазонь кармавтовкстнэнь, эри-ашти Пазонть эйсэ, ды сонзэ эйсэ эри-ашти Пазось. Ды Сонзэ эрямодонть-аштемадонть минек эйсэ минь содатано Оймеялтонть коряс, конань Сон максызе миненек.

Пазонь эйкакштнэ ды Идемевсень эйкакштнэ вана кода содавить: кие а теи видечинь коряс, се аволь Пазонть эйстэ, кода сеяк, кие а вечксы эсензэ кемиця ялганзо.

Кулясь, конань тынь маринк ушодксстонть саезь, вана кодамо: миненек эряви вечкемс вейкенек-вейкенек.

Секскак илядо дивсе, кемиця ялгат, мекс те масторлангось кирди кеж тынк лангс.