I Versetti Biblici più popolari da TĨĨGI WERE 22

Condividi

Abraham kal kaŋ ɗúu ne ngel sen ga Adonay-Yireeh. Diŋ wersen so ga à wãã wara gana : Wo ciŋ ti húulì mani Manwur no à daʼn yaŋ mbe wo ni mo so no.

Baa ga : Baa wel ɓo no, wel ɓo ma boŋ no, je maga ndo dan mono, Isage, see wo ɓi sir Morija, wo ni, ni ndo joŋ sii jag maga à roɗn go ɓuy ciŋ ti húulì maga ndi kaŋ ge nen ɓo yaŋ wo ti ɓe ni mono.

Je peelen kal wiigi ɓe ga : Maŋ doo ciŋ se weln wa, duʼn de mopo wa has ɓuy. Ndi ko we go patala ga ndo joŋ hẽẽne wer Baa, day ndo ẽg me de wel ɓon ga, wel ɓo ma bon no.

Abraham kal fer wããre ga : Wel ɓi, Baa daʼ mbe wesam ma joŋ sii jag maga à roɗn go ɓuy yaŋ mbe diŋ se de see ɓe. Saara kal mbe rawge wer kããra ɓog ɓuy so.

ndi kaŋ ge bosaʼ yaŋ mo ti debaŋ, day ndi dus gi wer mani ɓon yaŋ doo gér ma ciŋ wo nono, doo deguɗgi ma jag bii nono. Wer mani ɓon joŋ ge yaŋ diŋ je wãã wããre jar hee ɓen wo no. Wer sir ma ti tamsir wo ɓuy wãã ge wo yaŋ ga saara daʼ bosaʼ diŋ nen doo wer mani ɓo no, werga ndo laa jag ɓi.

Blam wããre sen wo mo deŋ Baa kal lam Abraham day wiin ga : Abraham! Á kal fer wããre ga : ndi yaŋ la!

Doo kay nono, je peele Manwur kal ɗege ɓe le ciŋ day ga : Abraham! Abraham! Á kal fer wããre ga : Ndi yaŋ la!

Je peele Manwur fer dog ɗe Abraham le ciŋ ma de ɓoge, day ga : Ndi haʼ go ti see ɓi tuu, kay diŋ jag Manwuri! Doo ga ndo joŋ doo sen no so mono, ndo ẽg me de wel ɓon gà wel ɓo ma bonn gà mono

De maga á wo wo go dayge ti ngel maga Baa hay ngaɓn go ne hẽn mo so no, Abraham kal boo ngel sii jag no, kal ɗegal hããren go ti ɓe ɗegal. Á kal baŋ wel ɓe Isage, kal ɓoʼge ciŋ ti hããre no, ti ngel siɗ jag no.