I Versetti Biblici più popolari da Rɔm 4

Condividi

Abɨraham ɨrɨm kuduroy sɔɔ-sɔɔ a cay hɨnga ga Kumu ye gɨ ɗi na kɨya lɔɔ bii le naŋ bɨrɨŋ bɨ, ɗa aye kudurɔ koyi coŋ naŋ bɨ. Ama ban ɨre osu a te aye kudurɔ koyi gɨŋ dɨbɨn̰ gusoŋ-tɔgɛ a cay Kumu. Ban sol kuɗa gɨ hɨnga ga Kumu ye gɨ ɗi na kɨya lɔɔ bii le, ban na orɨn̰ dan̰ dɔnɔ di ni leen̰ bɨ.

Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Ko, hɨn̰ gɨ hɨnga ga ni bɔgɛ ɨrɨme cay nee na unɔ kalɨn̰ ma Abɨraham bee kuduroy a cay kɔl gɨ da Kumu bɨ, ɨrɨmedi gɨ ban bee a cay Kumu le woy osu bɨ. Lee gɨ ban bɨle mon̰ gɨ da te wɔɔ gɨ da kalaŋ ga dan̰ kondiige hɨn̰ gɨ tumɔ Kumu ba yeyi hɨn̰: «Kongɨn̰ɨn̰ kɨya bɨlege te kalaŋ ga dan̰ kondiige.»

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Kɔl gɨ Dabid ba ye ba kɛ: «Tumoy wolwa woy a cay kalaŋ, Ga Kumu ɗe kuduroy jal a cay ɨsɨna koge gɨŋ bɨ, Yɨde ɨsɨna koge coŋ bɨ. Tumoy wolwa woy a cay ungo, Gɨ Ba-gulɔŋ sɨlayi laan̰ ba-lɔɔ ɨsɨna naŋ.»

Kɛ Magtubu di da Kumu ye na wa ga? Hɨndi ye hɨn̰: «Abɨraham bee kuduroy a cay Kumu, lee gɨ Kumu bɨlii leen̰ ungo gɨ dan̰ durɔ ɗɨngar a cɨndi kɨya cay aye kudurɔ koyi.»