I Versetti Biblici più popolari da Rɔm 14

Condividi

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le. Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Hɨn̰ gɨ na na sɨmagɨŋ-bɨra kalɨn̰ ma, na somgɨŋ-bɨra na kɨya cay Ba-gulɔŋ bɨ. Hɨn̰ gɨ na na mara naa mare kalɨn̰ ma, na magɨŋ na kɨya cay Ba-gulɔŋ bɨ. Na toy di hɨn̰ wo̰ ma, hɨn̰ gɨ na na sɨmagɨŋ-bɨra wala maragɨŋ kalɨn̰ ma, na na ga da Ba-gulɔŋ.

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Na hɨn̰ wo̰ ma, ɗanagɨŋ bɔyɛ kɔl a cay gusɨnagɨŋ baa. Kuɗa gɨ na uja gɨ ni lɔɔ hɨnga ga kɨya dɨbɨn̰ kurɨndɨna sɨya bɨrɨŋ gɨ ban kɨya andɨn̰ a te gɨyəŋ gɨŋ coŋ naŋ.

Kan walge duroy Magtubu di da Kumu dɨŋ: «Ba-gulɔŋ ye hɨn̰: “Ɨŋ-bandi ɨŋ dor gusɨnɨ dan̰ gusɨnɨ hɨnge, Gɨ kalaŋ nɔm kɨya pɔyɛge gɨbayge dugo tumonɨ bɨ, Kalaŋ nɔm kɨya yɔɔge dan̰ kɨbɨge gɨ ɨŋ naa Kumu bɨ.”» Na hɨn̰ wo̰ ma, waŋ waŋ kalɨn̰ ma duroyna kɨya dɔrɛ kardi gɨye-lɔɔdi dan̰ gusi koyi bɨn̰ Kumu.

Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

Kɛ, ji-bandi, ji na waŋ ma man̰ kɨya bɔyɛ kɔl a cay marɨna ba lɔɔ gɨye gɨ ji na ba-gulondi naŋ le ga? Hɨn̰ gɨ marɨna ba-gɨye le, na ƴɨma gusi usa kɨbɨ gɨye gɨŋ wala, na ba dugo kalɨn̰ ma, dɨlan̰ naŋ, kɨya wa na kɔl gɨ da ba-gulondi. Ama ban kɨya ƴɔmɛ gusi osɨwa kɨya wa Ba-gulɔŋ orɨn̰ dan̰ dɔnɔ di ni lɔɔ gɨ ban na ɨrɨn̰ daa kalɨn̰.