I Versetti Biblici più popolari da San Mateo 19

Condividi

Ilticlambot sitic yu'un te Jesús, hich la yalbe: Te ants-winiquetic ma xhu' yu'unic spasel ini, pero te Dios spisil ya xhu' yu'un stuquel, xchi.

Ha yu'un ma chebuquix, jun xanix baq'uet ya xc'oht. Ha yu'un te bin junax la yac' te Diose, ma me ayuc mach'a ya sjat, xchi.

La sjac' te Jesús: ¿Yu'un bal mayuc awilojic ta Shun Dios te ta shahchibal Dios la spas jtuhl winic soc jtuhl ants, soc te hich la yal: Ha yu'un ya yihquitay sme'stat te winic, ya yic' sba soc te yihnam, junax sbaq'uetal ya xc'oht schebalic, te xchihe?

Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

Ay tsobol mach'atic te nahil ayic te slajibal ya xc'ohtic, soc te mach'atic patil ayic te nahil ya xc'ohtic.

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

Halbot yu'un te Jesús: Teme yac ac'an te mayuc bin ya spasat falta, bahan, chona hilel te bintic ay awu'un, q'uebembeya hilel te pobrehetic, hich me ay ac'uhlejal ta ch'ulchan; soc la', t'unawon, xchi.

Halbot yu'un te Jesús: ¿Bin yu'un te la awal te lecon ta winiquil? Mayuc mach'a lec, ha nax jtuhl, ha te Diose. Pero teme yac ac'an yac ata acuxlejal, pasa te bin ya yal te mandariletique, xchi.

Soc ya calbeyex xan, ha ma wocoluc ya sohl ta yoc aguja te camello, ha wocol ya x'och tey ta banti ay te cuentahinel yu'un Dios te jc'uhleje, xchi.

Ho'on ya calbeyex, spisil mach'a ya yihquitay hilel yihnam, teme ma ta scuentahuc yajmul, soc teme ya xnuhpun soc yan ants, yac me ta antsiwej a abi; soc te mach'a ya yic' yihnamin te ihquitaybil ants, ha nix hich yac ta antsiwej, xchi.

Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.