I Versetti Biblici più popolari da Rromanodeniza 4

Condividi

Deocca uatinarraza Abarahaopa: —Parrissaqui? Parrissa rreranitide −narrararrari. —Deorrinepe parrirenissa tanitoui −nazana pocca rrehenirri deni torrazanaporraro. Deoza uatizeheri zanaporrari. Abarahao poua bodiza nauato tarraripa: —Deo pocca uatinarra parrirenissa tarrarope dacorehe carrirrari −narrari.

Deo Atti dozo nanizape uima arrima narraro: —Orrine zama uapimacca abi tirrarraro −narrari Deo Abarahaoza. Deopa madirra uatiaui Pouarrine camittemaniui parrirerrari. Arrirraro zamape noueraporaha Deo Pouana inauatorraro. Arra zamacca carririzarrari naco noueraraha Deo Pouana inauatorizarrari. Narrarizana Abarahao parrissa narrari.

Deopa Poua Bedi da inaza zoqquerrari, icca uimasiri manaconi. Nauatonirraripa iaza: —Uimasiri ticappiremanani −nauiuarrine.

Abarahao rradaui tocarra, bedimeni rradani tocarra nazana Deo pouaza uati tarrari: —Tipotemani ticarrinitoui −narrari. Erredeni carrimanauiuarrine tossamomanaraha Abarahaopa Deoza parrissa naza: —Oua opotemanipa uapi taha ocarrinitoui −narrari. Nazapa pina Deo uati tarrarissa narraro touini madirrari. Nama nazapa zama bazimacca abi torrarrariparra. Pina pouaza Deo uati taporrarissa narraro: —Tipotemanipa touapiuitoui, pina amouadeni uapi tarrarissa nauitoui −narrari.

Naraha Deo uati taporraricca uima bicani Abarahao potemauiza torrarrarope Deoza parrissa quenazana pouadeniza torrarraro. Moizecca marinarra carrimanarraridenipa pina Abarahao Deoza parrissa narrarissa quenazapa Deocca uatinarra pouadeniza torrarraro. Ia naqui pina Abarahao Deoza parrissa narrarissa inezape Deocca uatinarra iaza torrarraro. Nema nezape Abarahaopa ia parrissa inarraro bazimacca abi torrarrari, inarraro.

Dabi poua uati taporraricca uimape Deo Atti dozo naniza arrima narraro: —Madirracca uimasiri Deo sse inarizezape uatizemaneri narrari. Poccadeni uaidireheza: “Peperri, ouati rrimani” naza naco uatizemaneri narrari. Uimasiri inanemanaporrarocca uima Deo inarriquezape uatizemaneri narrari −naui nade Deo Atti Dabirrine dozo naniza.

Naraha Deo Atti dozo nanizape arrima narraro: —Abarahaopa Deoza parrissa nazana Deoa: “Abarahaopa ouaza bica taui” −narrari.