I Versetti Biblici più popolari da Roca 7

Condividi

—Rrehe, narrarorrinea arri uati onarraroparri: Ponipe uima sse taporaha ponicca uima uaidira tanicca Deo sse inezape rridapanape poniza uima nouerani. Ponina denima ouaza uatini uana tarraro. Madirra ouahadeni naco poccadeni uima uaidira tanicca Deo sse inezape pouadeniza uima nouerani. Naraha madirra bodideni: “Icca uaidirehepe uapi tapo-rrerade” quenarraridenia arra ouaza biqui taha uatideni uanaqquiri narrariparra, onarraro. Nazama Simao, narraro uima tibodi uatorri −narrari Zeso. Nazapa Zeso amonerreza uati tarrari: —Arri, uima tinanaporrarope sse inehe rricarraro. Narraroa arri tibicarraroparri Deoza −narrari.

Pouadeni atti nama quenaraha Zesopa amonerreza uati tarrari: —Tiape ouaza rrehe teza tossiuauehe ticarrirraro. Deocca rronehema, pocca cappinerehema ticcanirri −narrari Zeso.

Orriema Zesoza bacco tezape poua amoriuarri ueza orri orri narraro. Nezape poni nocconi pparrani ssabororo naza Zeso amori pparrarra tocarra narraro. Nezape poni tatini conaniza Zeso amori sse ippirrari. Amori sse ippia rricazapa amoriza mose narraro. Nani zotodepe ponicca marrorroza naqui Zeso amori ssohoho icanarirraro.

—Poua attipa: “Zeso, ouape pina arri tia bica tinarrarossa onerrerani oneza tia qquide oqquerrerarraro. Naraha tia uati tinezape occa zozosse tonomiuitoui, onarraro” naparra −quenarrari. —Poua atti denima naqui: “Arri oua naqui occa taminecca zossenirriza omadirraro. Manaco isso teppeppedenipa occa zossenirriza madimanarrari. Pouadenitoui uaua onezape rrauirrona taui. Zosse zosse oneza naco ouattiza rraui torra taui. Occa zozosseza naqui: ‘Tizepe irrirri’ oneza naqui pina arri oua ozosserrarossa inana tani. Nema nezape arriza uati tinaza occa zozosse tonomiuiuarrine tiparrireni, naparra tiquenana” narrari rromanodenicca isso teppeppe zossede atti −quenarrari poua tessedeni. Narraro uima Zeso mittazapa uatizeza poua bodi: —A, pouapa nauato taua −narrari. Tauideuarraniza poua nattiuarri rrauimissarrarideniza uati tarrari: —Tiadeniza uati onana: Arrarrari bodi namanahapa parrissa nauissa tarrari. Tiadeni Izarraeo potemauideni bazimape tettideni ohomitta naraha arrarrarissa narrari tiadenizapa noueraui. Parrissa tiquenanissa tani ohomitta nerrerani −narrari Zeso.

Arra pouadeni Zesoza uati toquenazama Zeso poua zepe irri irri naui qqui toquenarrari. Madirra comaqquiri narrarideni comani onihi, onihi carririzemanarrari inanomibaqquirrari. Madirra bodidenicca tocorime ouaha ouaha narizarrarideni naco Zesorrine rrauininerizarrari. Madirra nocco sirideni naco nocco ssire inanarizarrari. Nazapa Zouao zosse inarronabaqquirrarideniza Zeso poua cacomerarrari: —Rrehe, ticadaniza Zouaoza uati tinanimanarri. Arri qqui tiquenarraro, arri timittemanarraro pouaza uati tinanimanana −narrari Zeso. —Arrima tiquenana: “Madirra nocco sirideni nocco ssire tocanireui. Madirra isso sirideni naco tocanomireza rrauirizaui. Madirra zamacoma onini leprarrine uapideni rrazimarorrarideni naco imedeni tobicarizaui. Madirra uaribodeni didiqquiri narrarideni naco uaribodeni ssire tocanirerizaui. Madirra uatiarrarideni naco camittemani-rizemanaui. Madirra touati nauanaqquiri narrarideni naco icassiuaueraniuarrinecca uima mari icanabaqquiza mittarizemanaui” tinanimanana tiadeni marideza −narrari Zeso.