I Versetti Biblici più popolari da Zouao 4

Condividi

Deopa assire rraraui, Deopa corimeparra. Nazama madirra Deo Pouaza uatizemanarraripa pouadeni corimema uatizemanauina bica tani. Maizemana-rraraza uatizemanauina bica tani onarraro −naui nade Zeso.

Rridapanape uima zati bacco tani. Madirra parrissa Abiza uatizemanaha madimanarraridenipa pouadeni bodicca parrissehema Deo Pouaza rrehe quenazapa uatizemanauitoui. Abipa madirra nama quenarraridenizapa nacassa taui.

—Naza arri oua passo da ocanarraro ze quenauipa baccodeni rrocomanapoma-rrarauitoui. Arri occa danirri passona madirra bodideniza rriquerreranitoui. Camittehe rriquerreranicca torraniuarrine −naui nade Zeso.

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Nazapa Zeso iaza uati uati tarrari: —Ouape Deo oua cazosserrari. Poua nacassa tauicca ozepe irrirraro. Narrarope pina occa rrirripassa narrari. Deo Poua zepe ihirri nauicca narraro onarricaniuarrine, onarraro. Narrarope occa rrirripa −nade Zeso.

Naraha manaco amonerre poni attinipe: —Nerrecozara passo uana tizananiuarrine? Ui tozanicca passope uarri tani. Nerrecouarricca passo camittehecca ouaza da ticananiuarrine? −nani nade.

Naraha amonerre attinipe: —Rrehe, ouape nauato onani: Mesia poua oni ouahapa Cristo quenarrari. “Narrari ccarronauitoui” quenauipa ohomitta nade. Niza poua bacco nazapa pocca marinarra bazima iaza auato inananitoui −nani nade. Nazapa Zeso poniza uati tade: —Ouape Mesia tiaza uati uati onarraro −naui nade.

—Rrari, arra maqquiderre nauatobote occa uima bazima ouaza uati uati tarrari qqui tiquenarro. Pouapa arra toui imadirraro ia Idinide Cristo-Mesia uitiderra −nani nade.